ރަމަޟާން މަހަށް ޚާއްސަކުރެވިގެން މާލެ ސިޓީ ކައުންސިލުން އިންތިޒާމްކޮށްގެން ބާއްވާ މަދަޙަ އަދި ޤުރްއާން މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.

ރަމަޟާން މަހަށް ޚާއްސަކުރެވިގެން މާލެ ސިޓީ ކައުންސިލުން އިންތިޒާމްކޮށްގެން ބޭއްވުމަށް ހަމަޖެހިފައިވާ " މާލޭ ސިޓީ ކައުންސިލް މަދަޙަ މުބާރާތް 1444 " އަދި " މާލޭ ސިޓީ ކައުންސިލް ޤުރުއާން މުބާރާތް 1444 "ގައި ބައިވެރިވި ވުމުގެ ފުރުޞަތު ހުޅުވާލައިފިއެވެ.

މާލޭ ސިޓީ ކައުންސިލް މަދަޙަ މުބާރާތް 1444

މަދަޙަ މުބާރާތް ބޭއްވުމަށް ހަމަޖެހިފައިވަނީ ޖުމުލަ ހަ އުމުރުފުރާއަކަށް ބަހާލެވިގެންނެވެ. އެއީ ހަ އަހަރުންދަށާއި، ނުވަ އަހަރުންދަށާއި އެގާރަ އަހަރުންދަށާއި، ތޭރަ އަހަރުންދަށާއި ސޯޅަ އަހަރުންދަށާއި ނަވާރަ އަހަރުން ދަށެވެ. އުމުރު ފުރާ ކަނޑައެޅުމުގައި ބަލާނީ އަންނަ އަހަރުގެ ޖަނަވަރީ މަހުގެ އެއް ވަނަ ދުވަހަށް ދަރިވަރަށް ފުރޭ އަހަރަށް ކަމަށް އެކައުންސިލުން މަޢުލޫމާތު ދެއްވައެވެ.

މި މުބާރާތުގެ ހަ އަހަރުން ދަށުގެ އުމުރުފުރާގައި ބައިވެރިވާ ކޮންމެ ބައިވެރިއަކަށް އިނާމާއި ހަނދާނީ ލިޔުން ދިނުމަށް ހަމަޖެހިފައިވާއިރު އެހެން ހުރިހާ އުމުރުފުރާތަކުން ގަދަ ފަސްބައިވެރިން ގެ އިތުރުން އެއްވަނަ ދެވަނަ އަދި ތިންވަނަ ހޮވުމަށް ހަމަޖެހިފައިވާކަމުގައި އެ ކައުންސިލުން ވިދާޅުވެއެވެ.

ރަމަޟާން މަސް ފެށުމުގެ ކުރިން ރިކޯޑިން ނިންމުމުގެ މަސައްކަތް ކުރަމުން އަންނަ އިރު މި މުބާރާތް ފެށުމަށް ތާވަލުކުރެވިފައިވަނީ 2023 ފެބްރުއަރީ 25 ގައުމަކަށް މާލެ ސިޓީ ކައުންސިލުން މައުލޫމާތު ދެއްވައެވެ.

އަދި މީގެ އިތުރުންވެސް މުބާރާތަށް އަލަށް ހުށަހެޅޭ ޅެންތަކާއި އަމިއްލަރާގުގެ ތެރެއިިން އެއްވަނަ ދެވަނަ އަދި ތިންވަނަ ޅެންހޮވައި ފައިސާގެ އިނާމާއި ހަނދާނީ ލިޔުން ދިނުމަށްވެސް ވަނީ ހަމަޖެހިފައެވެ.

1443 ވަނަ އަހަރު މާލޭ ސިޓީ ކައުންސިލުން ބޭއްވި ޤުރުއާން މުބާރާތުގެ ނަތީޖާ ފާޅުކުރުމުގެ ރަސްމިއްޔާތު ތެރެއިިން

މިމުބާރާތުގެ ވަނަވަނައަށް އަންނަ ދަރިވަރުންނަށް ކަނޑައެޅިފައިވާ އިނާމުތަކަކީ؛

ކޮންމެ އުމުރުފުރާއަކުން :

1 ވަނަ -/8000ރ، ޓްރޮފީ އާއި ސެޓްފިކެޓް

2 ވަނަ -/6000ރ، ޓްރޮފީ އާއި ސެޓްފިކެޓް

3 ވަނަ -/4000ރ، ޓްރޮފީ އާއި ސެޓްފިކެޓް

މުޅިމުބާރާތުން:

1 ވަނަ-/25000ރ، ޓްރޮފީ އާއި ސެޓްފިކެޓް

2 ވަނަ -/15000ރ، ޓްރޮފީ އާއި ސެޓްފިކެޓް

3 ވަނަ -/10000ރ، ޓްރޮފީ އާއި ސެޓްފިކެޓް

މުބާރާތުގެ ވަނަވަނައަށް އަންނަ ޅެމާއި އަމިއްލަ ރާގަށް ކަނޑައެޅިފައިވާ އިނާމުތަކަކީ؛

3 ވަނައަށް ހޮވޭ ޅެމާއި ރާގަށް: -/3000ރ، ހަނދާނީ ލިޔުމާއި އިނާމު.

2 ވަނައަށް ހޮވޭ ޅެމާއި ރާގަށް: -/4000ރ، ހަނދާނީ ލިޔުމާއި އިނާމު.

1 ވަނައަށް ހޮވޭ ޅެމާއި ރާގަށް: -/5000ރ، ހަނދާނީ ލިޔުމާއި އިނާމު.

މާލޭ ސިޓީ ކައުންސިލް ޤުރުއާން މުބާރާތް 1444

މި މުބާރާތް ދެ ގޮތްޕަކަށް ބަހައިލެވިފައިވެއެވެ. އެއީ ބަލައިގެން ކިޔެވުމުގެ ގޮތްޕާއި ނުބަލައި ކިޔެވުމުގެ ގޮތްޕެވެ. ކޮންމެ ގޮތްޕެއްގައި ވެސް 6 އުމުރުފުރާ ހިމެނޭނެހެން ދެ ގޮތްޕަކަށް ބޭއްވޭ މި މުބާރާތް ބަހާލެވިފައިވަނީ ބަލައިގެން ކިޔެވުމުގެ ގޮފި އަދި ނުބަލައި ކިޔެވުމުގެ ގޮތްޕަށެވެ. އެއީ 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19އަހަރުންދަށުގެ އުމުރުފުރާތަކުން ބައިވެރި ވެވޭނެ ގޮތަށެވެ. އުމުރު ފުރާ ކަނޑައެޅުމުގައި ބަލާނީ 1 ޖަނަވަރީ 2023 އަށް ދަރިވަރަށް ފުރޭ އަހަރަށެވެ.

މަދަޙަ މުބާރާތެކޭވެސް އެއްގޮތަށް މި މުބާރާތުގައިވެސް ހަ އަހަރުން ދަށުގެ ބައިގައި ބައިވެރިވާ ކޮންމެ ދަރިވަރަކަށް އިނާމާއި ހަނދާނީ ލިޔުންދިނުމަށް ހަމަ ޖެހިފައިވާއިރު، ކޮންމެ އުމުރުފުރާއަކުން އެންމެ މޮޅު 5 ދަރިވަރުން ހޮވޭނެއެވެ. ކޮންމެ އުމުރުފުރާއަކުން، 1 ވަނަ ، 2 ވަނަ 3 ވަނަ ހޮވާނެއެވެ. މި ވަނަތައް ހޮވޭނީ ދެ ގޮފި ވަކިންނެވެ. ހަމަ އެހެންމެ ކޮންމެ ގޮތްޕަކުން އެންމެ މޮޅު 5 ދަރިވަރުން ހޮވުމާއެކު ކޮންމެ ގޮތްޕަކުން 1ވަނަ، 2ވަނަ، 3ވަނަ ހޮވުމަށް ވަނީ ހަމަޖެހިފައެވެ.

މި މުބާރާތުގައި ހޮވުމަށް ހަމަޖެހިފައިވާ ވަނަތަކާއި ވަނަވަނައަށް ކަނޑައެޅިފައިވާ އިނާމުތައް:

ދެގޮފި ވަކިން ކޮންމެ އުމުރުފުރާއަކުން:

1 ވަނަ -/8000ރ، ޓްރޮފީ އާއި ސެޓްފިކެޓް

2 ވަނަ -/6000ރ، ޓްރޮފީ އާއި ސެޓްފިކެޓް

3 ވަނަ -/4000ރ، ޓްރޮފީ އާއި ސެޓްފިކެޓް

މުޅި މުބާރާތުން

1 ވަނަ -/25000ރ، ޓްރޮފީ އާއި ސެޓްފިކެޓް

2 ވަނަ -/15000ރ، ޓްރޮފީ އާއި ސެޓްފިކެޓް

3 ވަނަ -/10000ރ، ޓްރޮފީ އާއި ސެޓްފިކެޓް

މި މުބާރާތުގެވެސް ރެކޯޑިން ރަމަޟާން މަހުގެ ކުރިން ނިންމުމަށް ހަމަޖެހިފައިވާއިރު މި މުބާރާތް ފެށުމަށް ހަމަޖެހިފައިވާ ތާރީޚަކީ 2023 ފެބްރުއަރީ 10 ގައެވެ.

1443 ވަނަ އަހަރު މާލޭ ސިޓީ ކައުންސިލުން އިންތިޒާމްކޮށްގެން ބޭއްވި މަދަޙަ މުބާރާތުގެ ނަތީޖާ ފާޅުކުރުމުގެ ރަސްމިއްޔާތުގެ ތެެރެއިން

މި މުބާރާތުގައި ބައިވެރި ވުމުގެ އެންމެ ފަހު ތާރީޚަކީ 20 ޖަނަވަރީ 2023 އެވެ. މި މުބާރާތުގައި ބައިވެރިވުމަށް އެދޭ ފޯމު އަދި މި މުބާރާތާއި ބެހޭ އުސޫލުތަށް މާލޭ ސިޓީ ކައުންސިލުގެ ވެބްސައިޓުން ޑައުންލޯޑު ކުރެވެން ހުންނާނެކަމަށް މާލޭ ސިޓީ ކައުންސިލުން ވިދާޅުވެއެވެ.

މި މުބާރާތުގައި ބައިވެރިވާން ފޯމު ހުށަހެޅުމަށް ހަމަޖެހިފައިވަނީ މާލެ ސިޓީ ކައުންސިލްގެ ވެބްސައިޓް މެދުވެރިކޮށް އޮންލައިންކޮށެވެ. އެ ގޮތުން މި ލިންކުން ފޯމުފުރާލެއްވޭނެއެވެ.

މުބާރާތުގެ އުޞޫލު މި ލިންކުން ޑައުންލޯޑުކުރެވޭނެއެވެ.

މީގެ އިތުރަށް އިދާރާއަށް ވަޑައިގެން ފޯމު ހުށަހަޅުއްވަން ބޭނުންފުޅުވާ ފަރާތްތަކަށް އިދާރާއިން ފޯމު ދޫކުރާނެއެވެ. މި ގޮތުން ފުރޭ ފޯމު މާލެ ސިޓީ ކައުންސިލްގެ ބިއުރޯ (އެމް.ޑަބްލިޔު.އެސް.ސީ ކަސްޓަމަރ ސަރވިސްގެ 3 ވަނަ ފަންގިފިލާ) އިން ސަރުކާރު ބަންދު ނޫން ކޮންމެ ދުވަހެއްގެ ހެނދުނު 8:00 އިން މެންދުރު އަނބުރާ 2:00 އަށް ބަލައިގަތުމަށް ހަމަޖެހިފައިވާކަމަށް އެ ކައުންސިލުން މައުލޫމާތު ދެއްވައެވެ.