މާލެ ކުނިވަންދެން ބަލަން ނުތިބެވޭނެ ކަމަށް ތިމާވެއްޓާއި ބެހޭ ވުޒާރާއިން ބުނެފި

މާލެ ކުނިވަންދެން ބަލަން ނުތިބެވޭނެ ކަމަށް ތިމާވެއްޓާއި ބެހޭ ވުޒާރާއިން ބުނެފިއެވެ.

މީގެ ކުރިން މާލޭގެ އާންމު ސަރަހައްދުތަކުން ކުނި ނަގާ ސާފުކުރުމުގެ މަސައްކަތްކުރަމުން ގެންދިޔައީ ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިންނެވެ. އެހެން ނަމަވެސް، ވެމްކޯއަށް އެކަން ނުކުރެވޭ ކަމަަށް ބުނެ މާލެ ސިޓީ ކައުންސިލުން ވަނީ މާލެ ސާފުކުރުމުގެ މަސައްކަތް ސިޓީ ކައުންސިލުން ކުރިއަށް ގެންދިއުމަށް ނިއްމާފައެވެ.

މިކަމާއި ގުޅިގެން ތިމާވެއްޓާއި ބެހޭ ވުޒާރާގެ ސްޓޭޓް މިނިސްޓަރ އަލީ ސޯލިހް 'އަސްލު’ ނޫހަށް ވިދާޅުވީ، މާލެ ކުނިވަންދެން ބަލަން ނުތިބެވޭނެ ކަމަށް ތިމާވެއްޓާއި ބެހޭ ވަޒީރު އައިމިނަތު ޝައުނާ އަންގަވާފައިވާ ކަމަށާއި، އެ އެންގެވުމާއި ގުޅިގެން މިއަދު ވެމްކޯއިން މާލެ ސާފުކުރުމުގެ 'އޮޕަރޭޝަނެއް' ފަށާފައިވާ ކަމަށެވެ.

މާލެ ކުނިވަންދެން ބަލަން ނުތިބެވޭނެ ކަމަށް ވަޒީރު ވަނީ ވިދާޅުވެފައި (ސްޓޭޓް މިނިސްޓަރު އަލީ ސޯލިހް)

އަލީ ސޯލިހް ވިދާޅުވީ، ސިޓީ ކައުންސިލުން މާލެ ސާފުކުރުމާއި ހަވާލުވި ފަހުން މާލެ ސާފުނުކުރެވޭ ކަމަށާއި އާންމުންގެ ޝަކުވާ ވެސް އިންތިހާއަށް ލިބެމުންދާ ކަމަށެވެ.

މި މައްސަލައިގާ އިއްޔެ ވަނީ އެންވަރަމަންޓް ޕްރޮޓެކްޝަން އެޖެންސީން ބުނެފައި ވަނީ، މާލެ ސިޓީ ކައުންސިލުން މާލޭގެ މަގުތައް ސާފުކުރުމަށާއި މަގުމައްޗަށް އަޅާ ކުނި ސާފުކުރުމަށް ވެމްކޯއާއި އެކު ވެފައިވާ އެއްބަސްވުމުގެ މުއްދަތު ޑިސެމްބަރު 25 ގައި ހަމަވުމުން މާލޭގެ މަގުތައް ހުއްޓިފައި ވާތީވެ މާލޭގެ މަގުތަކަށް ކުނި ގިނަވެ ރައްޔިތުންނަށް އެކަމުގައި އުނދަގޫތަކެއް ކުރިމަތިވަމުން އަންނަ ކަމަށެވެ.

އަދި މާލެ ސިޓީ ސާފުކުރުމާއި ހަވާލުވެފައިވާ ފަރާތުން ލަސްނުކޮށް އެ މަސައްކަތް ކުރިއަށް ގެންދިއުމަށްވެސް ވަނީ އިލްތިމާސްކޮށްފައެވެ.

pic.twitter.com/q4gd9pcdML

— EPA Maldives (@EPAMaldives) December 29, 2022

އީޕީއޭ އިން ނެރުނު ބަޔާން—-

މާލެ ސާފުކުރުމުގެ މަސައްކަތް ކުރިއަށްދާ ކަމަށް މާލެ ސިޓީ ކައުންސިލުން ގެންދަނީ ތަކުރާރުކޮށް ބުނަމުންނެވެ. ސިޓީ ކައުންސިލުން ތުހުމަތުކުރަނީ ވެމްކޯއަށް މާލެ ސާފުކޮށް ނުބެލެހެއްޓޭ ކަމަށެވެ.