ވައްކަމުގެ މައްސަލައެއްގައި ބިދޭސީއަކު ހޯދަން އިއުލާންކޮށްފި

ފުލުހުން ތަހުގީގު ކުރަމުން އަންނަ ވައްކަމުގެ މައްސަލައެއްގައި ބިދޭސީއަކު ހޯދަން އިއުލާންކޮށްފިއެވެ.

ފުލުހުން ވިދާޅުވީ ހުޅުމާލެ ފޭސް 1 ޕޮލިސް ސްޓޭޝަނަށް ހުށަހެޅި ތަހުގީގު ކުރަމުންދާ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ އާއި ސްޕޮންސަރ އަށްވެސް އޭނާ އުޅޭ ވަކިތަނެއް އެނގިފައި ނުވާތީ، ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާގޮތުގެ މަތިން ތަހުގީގަށް ހާޒިރުވުމަށް އަންގާ އިއުލާނު ކުރާ ކަމަށެވެ.

ފުލުހުން ހޯދަމުން ދަނީ، ޝަހީދުލް ޙައްޤު، ބަންގްލަދޭޝް (41އ)، (ޕާސްޕޯޓް ނަންބަރު EB0078625) އެވެ.

އޭނާ ހޯދަމުން އަންނަނީ ވައްކަމުގެ މައްސަލައަކާ ގުޅިގެން ސުވާލުކުރުމަށް/މައުލޫމާތު ސާފުކުރުމަށް ކަމަށް ފުލުހުން ވިދާޅުވިއެވެ.