ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ

ޓައިމް މަޖައްލާގެ 2022 ވަނަ އަހަރުގެ ޕަރސަން އޮފް ދަ އިޔާގެ މަގާމަށް ރައީސް ވޮލޮޑިމީރް ޒެލެންސްކީ އާއި "ޔޫކްރެއިންގެ ރޫހު" ހޮވިއްޖެއެވެ.

އެމެރިކާގެ މަޖައްލާގެ އެޑިޓަރުން ކޮންމެ އަހަރަކު ދޭ މި އެވޯޑަކީ ފާއިތުވި 12 މަސް ދުވަހުގެ ތެރޭގައި ދުނިޔޭގެ އެންމެ ބޮޑު ނުފޫޒެއް އޮތް ކަމަށް ބެލެވޭ މީހާއަށް ދޭ އެވޯޑެކެވެ.

އެ މަޖައްލާއިން މީގެ ކުރިން ބުނެފައި ވަނީ އެ މީހުންގެ ޕާސަން އޮފް ދަ އިޔާއަށް ހޮވާ މީހާ އަކީ "ޚަބަރަށް ނުވަތަ އަހަރެމެންގެ ދިރިއުޅުމަށް އެންމެ ބޮޑަށް އަސަރުކުރި، ރަނގަޅު، ނުވަތަ ގޯސް" މީހާއަށް ދޭ މަގާމެއް ކަމަށެވެ.

މިދިޔަ ފެބްރުއަރީ މަހުގެ ތެރޭގައި ވްލަޑިމިއާ ޕޫޓިންގެ ސިފައިން ޔޫކްރެއިންއަށް އަރައިގަތުމާ ގުޅިގެން ރަޝިއާއާ އެކު ހިނގަމުންދާ ހަނގުރާމައިގެ ތެރެއިން ޒެލެންސްކީ ވަނީ އޭނާގެ ގައުމު ދިފާއު ކުރުމުގައި އިސްކޮށް ހަރަކާތްތެރިވެފަ އެވެ.

ހަމަލާ ދޭން ފެށުނު ދުވަސްތަކުގައި އުމުރުން 44 އަހަރުގެ އޭނާ އާއި އޭނާގެ އާއިލާ ރައްކާތެރި ތަނަކަށް ގެންދިއުމަށް ބައިނަލްއަގުވާމީ ފެންވަރުގައި އިލްތިމާސް ކުރި ނަމަވެސް ޒެލެންސްކީ ހުންނެވީ އޭނާގެ ދިފާއީ ބާރުތަކާ އެކު ކީވްގަ އެވެ.