ހުޅުމާލެ ފޭސް 2 ގައި އެކްސިޑެންޓެއް ހިނގައިފި

ހުޅުމާލެ ފޭސް 2 ގައި ހުންނަ ވިނަރެސް ފްލެޓްތައް ކައިރީގައި އެކްސިޑެންޓެއް ހިނގައިފިއެވެ.

ވިނަރެސް 5 ވަނަ ފްލެޓް ކައިރިން ދެ ސައިކަލު ޖެހި އެކްސިޑެންޓް ވެފައިވާ ކަމުގެ މައުލޫމާތު 9 ސެޕްޓެމްބަރ 2026 ވަނަ ދުވަހުގެ ރޭ 23:05 ހާއިރު ރިޕޯޓްކޮށްފައިވާ ކަމަށް ފުލުހުން ވަނީ ބުނެފައެވެ.

މި ހާދިސާގައި ދެ ސައިކަލު ދުއްވަން ތިބި މީހުންނާއި ފަހަތުގައި ތިބި މީހުންނާއެކު ޖުމްލަ 4 މީހަކަށް އަނިޔާވެފައިވާ ކަމަށް ފުލުހުން ވަނީ ބުނެފައެވެ.

މި މައްސަލަ ފުލުހުން ދަނީ ތަހުގީގު ކުރަމުންނެވެ.

މި ދުވަސްވަރު އާއްމުކޮށް ހުޅުމާލެ އާއި މާލެ ސަރަހައްދުގައި ނުރައްކާތެރި އެކްސިޑެންޓްތައް ހިނގަމުންދާކަން ފާހަގަކޮށްލެވެއެވެ.