މާލެ ރައްޔިތުންނަށް ގޯތި ދޭއިރު އޭނާއަށް ގޯތި ނުލިބެންވީ ސަބަބެއް ބުނެދެއްވުމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ގޮވާލައްވައިފިއެވެ.
Aan. Hama heyoverikan. Alhuganduge goacheh neiy. Bappa ge othee 12 bayah bahan jehey 2000 akafoot ge goacheh. Alhugandakee ves Male’ rayyitheh. Ekamu Male’ in 100 akafoot ves nulibey. So Male’ rayyithunnah goathi dhey iru alhugandah nulibeyn jehey sababeh bunedhevva! https://t.co/FWgmQOHmqr
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) August 14, 2023
އޭނާ ކުރެއްވި އިތުރު ޓްވީޓެއްގައި ވިދާޅުވީ، ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ތާއިދުކޮށްގެން ހުރި ނަމަ ވެސް އޭނާއަށް ވުރެ ގޯތި ހައްގު މީހެއް މި އުޑުދަށުގައި ނުހުންނާނެ ކަމަށެވެ.
ރޮޒެއިނާ އާއި ނާޝިޒަށް ގޯތި ލިބުނުއިރު ދެބޭފުޅުންނަކީ ފުޅާ ދާއިރާއެއްގައި ވިޔަފާރި ކުރައްވާ، ދެބޭފުޅުންނެވެ. ނާޝިޒްގެ އާއިލާގެ ރިސޯޓްތައް އެބަހުއްޓެވެ. އަދި އެހެނިހެން ވިޔަފާރިތައް ވެސް އާއިލާ އިން ކުރެއެވެ. ރޮޒެއިނާގެ އާއިލާ ވިޔަފާރި ޑޮނާޑް އަކީ ވެސް މަޝްހޫރު ކުންފުންޏެކެވެ.
ރޮޒެއިނާ އާއި ނާޝިޒްއަށް ގޯތި ލިބިފައިވަނީ ޖުމްލަ ތިން މީހަކު ހިމެނިގެން ފޯމު ލީ އެންމެންގެ ޝަރުތު ހަމަވެގެން 71.59 މާކްސް ލިބިގެންނެވެ.
މިކަމާއި ގުޅިގެން ރޭ މީހަކުު ކުރި ޓްވީޓަކަށް ޖަވާބުދެއްވަމުން ރޮޒެއިނާ ވިދާޅުވީ، އޭނާގެ ގޯއްޗެއް ނެތް ކަމަށާއި، ބައްޕަ ގެ އޮތީ 12 ބަޔަށް ބަހަން ޖެހޭ 2000 އަކަފޫޓުގެ ގޯއްޗެއް ކަމަށެވެ.
"އަޅުގަނޑަކީވެސް މާލެ ރައްޔިތެއް، އެކަމަކު މާލެ އިން 100 އަކަފޫޓުވެސް ނުލިބޭ، އެހެންވީމަ މާލެ ރައްޔިތުންނަށް ގޯތި ދޭއިރު އަޅުގަނޑަށް ނުލިބެން ޖެހޭ ސަބަބެއް ބުނެދެއްވާ.".ރޮޒެއިނާ ވިދާޅުވިއެވެ.
