ނީލަން ފިހާރަ ސަރަހައްދުގައި އަލިފާން ރޯވެއްޖެ

ނީލަން ފިހާރަ ސަރަހައްދުގައި އަލިފާން ރޯވެއްޖެއެވެ.

އަލިފާން ރޯވެފައި ވަނީ ނީލަން ފިހާރަތަކުގައެވެ. އަލިފާންގަނޑު އެ ސަރަހައްދަށް ފެތުރިފައިވާއިރު، އަލިފާންގަނޑު އަދި ކޮންޓްރޯލުނުވެއެވެ.

06:24:54

ނީލަން ފިހާރަތަކަކީ ގިނަ އަދަދެއްގެ ލަކުޑި ގެންގުޅޭ ތަނެކެވެ.

06:25:46

ނީލަން ފިހާރަތަކުގައި ރޯވެ އަދަނީ…

06:33:55

ސިފައިންގެ ފަޔަރ އެންޑް ރެސްކިއު އިން ގެންދަނީ އަލިފާން ނިއްވުމުގައި ހަރަކާތްތެރިވަމުންނެވެ.

06:34:54

06:53:35

ނީލަން ފިހާރަ ސަރަހައްދުގައި ގިނަ އަދަދެއްގެ ވެހިކަލް ހުރުމުން އެ ސަރަހައްދުން ވެހިކަލްތައް ދުރުކުރުމުގެ މަސައްކަތް ފުލުހުން ދަނީ ކުރަމުންނެވެ.

06:54:44

ވެހިކަލްތައް ދުރުކުރުވޭތޯ ބަލަނީ

06:57:02

ނީލަން ފިހާރަތަކުގައި ރޯވި އަލިފާންގަނޑު ކޮންޓްރޯލް ކުރުމަށް އެއަރޕޯޓް ފަޔަރ ޓްރަކު ދާދި ދެންމެއަކު އެ ސަރަހައްދަށް ގެނެސްފިއެވެ.

07:03:01

ނީލަން ހުރިހާ ފިހާރައެއްގައި ކަހަލަގޮތަކަށް ވަނީ ރޯވެފައެވެ.

07:03:39

ސިޓީ ކައުންސިލުގެ ލޭބަރ ކުއަރޓަރ އާއި ހަމައަށް އަލިފާންގަނޑު ވަނީ ފެތުރިފައެވެ. ލޭބަރ ކުއާޓަރގައި ތިބި ބިދޭސީން ވަނީ އިމާދުއްދީން ސްކޫލަށް ވައްދާފައެވެ.

07:04:23

ފުލުހުން ބުނީ އަލިފާން ރޯވިކަމުގެ މައުލޫމާތު ފުލުހުންނަށް ލިބިފައި ވަނީ 5:49ގައި ކަމަށެވެ. ފުލުހުންނާއި ސިފައިން ގުޅިގެން އަލިފާން ނިއްވުމުގެ މަސައްކަތް ކުރިއަށްދާ ކަމަށްވެސް ފުލުހުން ބުނެއެވެ.

07:16:18

ނީލަން ފިހާރަ ސަރަހައްދުގައި ހިނގާފައިވާ އަލިފާނުގެ ހާދިސާފައި އިމާދުއްދީން ސްކޫލަށް ދުމުގެ އަސަރުކޮށްފައިވުމުން ހެނދުނު ދަންފަޅީގެ ކިޔެވުން މިއަދަށް މެދު ކަނޑާލައިފި ކަމަށް މައުލޫމާތު ލިބެއެވެ.

07:30:15

އެއަރޕޯޓް ފަޔަރ ލޮރީ ބޭނުންކޮށްގެން ފޯމު ޖަހަން ފެށުމާއެކު، އަލިފާންގަނޑު ކޮންޓްރޯލުވާން ފަށައިފިއެވެ.

08:09:19

ސަރަހައްދުގައި ދިރިއުޅޭ އާންމުން ރައްކާތެރިކަމުގެ ގޮތުން އަޅަންޖެހޭ ފިޔަވަޅުތައް އެޅުމަށާއި އާންމުން އެ ސަރަހައްދަށް ނުދިއުމަށް ފުލުހުން އިލްތިމާސްކޮށްފިއެވެ. ފުލުހުން މިގޮތަށް އިލްތިމާސްކުރީ އެ ހިދުމަތުން ކުރި ޓްވީޓެއްގައެވެ.

08:10:27

ފުލުހުން ބުނީ، އަލިފާނުގެ ހާދިސާއާ ގުޅިގެން ވިލާ ކޮލެޖާއި ސްޓެލްކޯއާ ދެމެދުގެ ގިނަ މަގުތައް އާންމު ދަތުރުފަތުރަށް ވަނީ ބަންދު ކޮށްފައިވާ ކަމަށާއި، ދުމުގެ އަސަކުރާ ސަރަހައްދުތަކުގައި ދިރިއުޅޭ މީހުން ދުމުން ރައްކާތެރިވުމުގެ ގޮތުން އެކަށީގެންވާ މާސްކް އެޅުމަށް ދަންނަވާ ކަމަށެވެ.