އެމްއޭސީއެލްގެ ޑީއެމްޑީގެ މަގާމުން ލަމްއާން އިސްތިއުފާދެއްވައިފި

މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ޑެޕިއުޓީ މެނޭޖިންގ ޑިރެކްޓަރުގެ މަޤާމުގައި ހުންނެވި މުޙައްމަދު ލަމްއާން އެ މަގާމުން އިސްތިއުފާ ދެއްވައިފިއެވެ.

ލަމްއާން އިސްތިއުފާ ދެއްވާފައިވަނީ އިއްޔެގެ ވަގުތެއްގައެވެ. މަގާމުން ވަކިވެވަޑައިގަތުމާ ގުޅޭގޮތުން ލަމްޢާން ވިދާޅުވީ، އިސްތިއުފާ ދެއްވީ އެހެން ކުންފުންޏެއްގެ އިސް މަޤާމަކަށް އައްޔަންކުރައްވާތީ ކަމަށެވެ. ނަމަވެސް، އެއީ ކޮން ކުންފުންޏެއް ނުވަތަ ކޮން މަގާމެއްކަން އޭނާ ހާމަކުރައްވާފައެއް ނުވެއެވެ.

ލަމްޢާން އެމްއޭސީއެލްގެ ޑީއެމްޑީގެ މަޤާމަށް އައްޔަންކުރައްވާފައިވަނީ 1 ފެބްރުއަރީ 2024 ގައެވެ.

އޭނާއަކީ މީގެ ކުރިންވެސް ސަރުކާރުގެ އެކި ކުންފުނިތަކުގެ އިސް މަގާމުތަކެއް ފުރުއްވާފައިވާ ބޭފުޅެކެވެ.