އެސްޓީއޯ ރަމަޒާން ބާޒާރު ލަކީ ޑްރޯގެ ނަސީބުވެރިއެއް ހޮވައިފި

އެސްޓީއޯ ޕީޕަލްސް ޗޮއިސް ރަމަޒާން ބާޒާރު 2026 ގެ ލަކީ ޑްރޯގެ ނަސީބުވެރިއަކު ހޮވައިފިއެވެ.

މި އަހަރުގެ ރަމަޟާން މަހާ ގުޅިގެން އެސްޓީއޯ އިން ކުރިއަށް ގެންދިޔަ ރަމަޒާން ބާޒާރު ޕްރޮމޯޝަނަށް ކަނޑައަޅާފައިވާ 100،000 ރުފިޔާގެ ނަސީބުވެރި ފަރާތަކަށް ހޮވިފައިވަނީ ހުސައިން އަމްޖަދު އެވެ.
މި ޕްރޮމޯޝަންގައި އެސްޓީއޯ ޕީޕަލްސް ޗޮއިސުން ވިއްކާ ގިނަ ޕްރޮޑަކްޓްތަކަކުން ވަރަށް އަގުހުރި ޑިސްކައުންޓެއް ކަސްޓަމަރުންނަށް ލިބިގެންދިޔައެވެ.

އާއްމުންގެ ތެރޭގައި މަޝްހޫރު ބްރޭންޑްތައް ކަމުގައިވާ ހިޓާޗީ، ފިލިޕްސް އަދި ރަސެލްސް ހޮބްސް ބްރޭންޑުގެ ގޭތެރޭގައި ބޭނުން ކުރާ ގިނަ ސާމާނަކުންވެސް ބޮޑެތި ޑިސްކައުންޓްތަކެއް ވަނީ ދީފައެވެ.

އެސްޓީއޯއިން ކޮންމެ އަހަރަކުވެސް ރަމަޟާން މަހާއި ދިމާކޮށް މިފަދަ ޕްރޮމޯޝަންތަކުގެ މައިގަނޑު މަގްސަދަކީ ރޯދަ މަހާއި ގުޅިގެން އާއްމުންގެ ގެތަކަށް ބޭނުންވާ ސާމާނު ހެޔޮ އަގެއްގައި ފޯރުކޮށް ދިނުމެވެ.

ރަމަޒާން ބާޒާރު ކުރިއަށް ގެންގޮސްފައިވަނީ 15 ޑިސެމްބަރު 2025ން ފެށިގެން 18 މާރިޗު 2026 ގެ ނިޔަލަށެވެ.