ޗުއްޓީއާ ދިމާކޮށް، މޯލްޑިވިއަން އިން ދަތުރުތައް އިތުރުކޮށްފި

މި ފެށޭ ސްކޫލް ޗުއްޓީއާ ދިމާކޮށް، ގައުމީ އެއާލައިން މޯލްޑިވިއަނުން ދަތުރުތައް އިތުރުކޮށްފިއެވެ.

މޯލްޑިވިއަން އިން މިއަދު ވަނީ އެކަން އިއުލާން ކޮށްފައެވެ. އަދި އިތުރު ކުރި ދަތުރުތަކަށް ބުކް ކުރުމުގެ ފުރުސަތު ވެސް މިހާރު ވަނީ ހުޅުވާލާފައެވެ.

މޯލްޑިވިއަން އިން ރާއްޖޭގެ ޖުމްލަ 16 ތަނަކަށް ދަތުރުކުރާ އިރު، ޗުއްޓީއާ ގުޅިގެން ދަތުރުތައް އިތުރުކޮށްފައި ވަނީ މިމަހުގެ 16 އިން ފެށިގެން 20 ވަނަ ދުވަހާ ހަމައަށެވެ.

އިތުރުކޮށްފައިވާ ދަތުރުތަކަކީ:

1. ފުވައްމުލައް: 16، 17 އަދި 19 ވަނަ ދުވަހު އިތުރު ދަތުރެއް
2. ހއ. ހޯރަފުށި: 16 އަދި 18 ވަނަ ދުވަހު އިތުރު ދަތުރެއް
3. އައްޑޫ ގަން: 16 ވަނަ ދުވަހު އިތުރު ދަތުރެއް އޮންނާނެ؛ އަދި 18 އަދި 19ގައި ކޮންމެ ދުވަހަކު އިތުރު ދެ ދަތުރު އޮންނާނެ
4. ހދ. ކުޅުދުއްފުށި: 17ގައި އިތުރު ދަތުރެއް
5. ލ. ކައްދޫ: 17 އަދި 18ގައި އިތުރު ދަތުރެއް
6. ށ. ފުނަދޫ: 17 އަދި 20ގައި އިތުުރު ދަތުރެއް
7. ގދ. ފަރެސްމާތޮޑާ: 18ގައި އިތުރު ދަތުރެއް
8. ބ. ދަރަވަންދޫ: 19ގައި އިތުރު ދަތުރެއް
9. ހދ. ހަނިމާދޫ: 19ގައި އިތުރު ދަތުރެއް
10. ގދ. މާވާރުލު: 20 ގައި އިތުރު ދަތުރެއް

މިއާއި އެކު ޖުމްލަ 19 ދަތުރު މޯލްޑިވިއަނުން ވަނީ އިތުރުކޮށްފަ އެވެ. މޯލްޑިވިއަނުން އަބަދުވެސް ޗުއްޓީތަކާ ދިމާކޮށް ދަތުރުތައް އިތުރުކޮށްދެ އެވެ.