ސަރުކާރުގެ ރޯދަ ހަދިޔާ- 4،196 މަސްދަޅު ކޭސް ދޫކޮށްފި

ރޯދަ ހަދިޔާގެ ގޮތުގައި ސަރުކާރުން ބަހަމުން އަންނަ މަސްދަޅު ކޭސްތަކުގެ ތެރެއިން މިހާތަނަށް 4196 މަސްދަޅުކޭސް ދޫކޮށްފައިވާ ކަމަށް ސިޓީތަކާއި އިދާރީ ދާއިރާތައް ހިންގުމާއި ޢާންމު މަސައްކަތްތަކާބެހޭ ވުޒާރާއިން ވިދާޅުވެއްޖެއެވެ.

މަސްދަޅު ކޭސްތައް ދޫކުރު ކުރިއަށް ދަނީ މާލެ ސަރަހައްދުން ޖުމްލަ 12 ސަރަހައްދެއްގަ އެވެ.

އެގޮތުން މާލެ އިން މިފްކޯ މަރުކަޒު، ސޯޝަލް ސެންޓަރު، އެމްޓީސީސީ ސޯމިލު، ހެންވޭރު ބޯޅަދަނޑު، އަދި ގަލޮޅު ދަނޑުންނެވެ.

ހުޅުމާލެއިން ދޫކުރަނީ އުމަރުޒާހިރު ބިލްޑިން، ޕޮލްކޯ ޓަވަރު، މުހައްމަދު ގާސިމް ޕްރީސްކޫލް، ކާމިލުދީދީ ސްކޫލް، ހިޔާޓަވަރު 10، އަދި އެމްޕީއެލް ޓަވަރު ންނެވެ.

ވިލިމާލެއިން މަސްދަޅުކޭސްތައް ދޫކުރަނީ ވިލިމާލޭގައި ހުންނަ ވެމްކޯގެ ސައިޓުންނެވެ.

ރޯދަމަހަށް ހާއްސަކޮށްގެން ގޭބިސީތަކަށް ބަހަނީ 48 ދަޅުގެ މަސްދަޅު ކޭހެވެ. މި އަހަރު 118673 މަސްދަޅު ކޭސް ރޯދަމަސް ފެށުމުގެ ކުރިންބަހައި ނިމޭނެކަމަށް ސަރުކާރު ވަނީ ބުނެފަ އެވެ.

މަސްދަޅުކޭސް ލިބުމުގައި މައްސަލައެއް ދިމާވެގެން އެއްވެސް ޝަކުވާއެއް ހުށަހަޅަން ބޭނުން ވެއްޖެނަމަ ވަޓްސްއަޕް މެދުވެރިކޮށް މެސެޖަކުން ހުށަހެޅުއްވޭނެ އެވެ. މިކަމަށް ހާއްސަކުރެވިފައިވާ ނަންބަރަކީ 7741446 އެވެ.

ރަމަޟާންމަހު ކޮންމެ ގޭބީސީއަކަށް މަސްދަޅު ކޭހެއް ހަދިޔާކުރުމަށް ނިންމަވާފައިވާކަން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އިޢުލާންކުރެއްވީ، ސަރުކާރަށް އެއް އަހަރު ފުރުމުގެ ކާމިޔާބީ ފާހަގަކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ. ރައީސްގެ ވަޢުދުފުޅާ އެއްގޮތަށް ގޭބީސީތަކަށް މަސްދަޅު ކޭސްތައް ބެހުމުގެ މަސައްކަތް މާލެ ސަރަޙައްދުގައި ފަށާފައިވާއިރު، ކޮންމެ ރެއަކު 8:00އިން ފެށިގެން 11:00އަށް މަސް ދަޅު ކޭސް ދޫކުރާނެއެވެ.

އަތޮޅުތަކުގައި ދިރިއުޅޭ ރައްޔިތުންނަށް މަސްދަޅު ކޭސްތައް ދޫކުރަނީ އެރަށެއްގައި ހުންނަ ރަށުކައުްނސިލްތަކުންނެވެ.