މިސްކިތްތަކުގެ މަސައްކަތް ނުކޮށް ފަރުވާކުޑަކުރާތީ ކަންބޮޑުވުން ފާޅުކޮށްފި

މިސްކިތްތަކުގެ މަސައްކަތް ނުކޮށް ފަރުވާކުޑަކުރާތީ ބައެއް އާންމު ފަރާތްތަކުން ކަންބޮޑުވުން ފާޅުކޮށްފި އެވެ

މިސްކިތްތަކުގެ މަސައްކަތްތަކަށް އިހުމާލުވެ މީގެ ކުރިންވެސް ވަރަށް ބޮޑަށް ފަރުވާ ކުޑަ ކޮށްފައިވާ ކަމަށް ބުނެ ބައެއް އާންމު ފަރާތްތަކުން ވަނީ ސޯޝަލް މީޑިޔާގައި ކަންބޮޑުވުން ފާޅުކޮށްފަ އެވެ.

ބައެއް ފަރާތްތަކުގެ ސޯޝަލް މީޑިޔާގެ އެކްސް އެކައުންޓު މެދުވެރިކޮށް ބުނެފައި ވަނީ މާލެ ސަރަހައްދުގެ މިސްކިތްތަކާއި އެ މިސްކިތްތަކުގައި މާލޭ ސިޓީ ކައުންސިލުން ކުރަން ޖެހޭ ކަންކަމުގައި ވަރަށް ބޮޑަށް ފަރުވާކުޑަ ކޮށްފައިވާ ކަމަށެވެ.

ދެވަނަ މީހަކު ސިޓީ ކައުންސިލަށް އަމާޒުކޮށް ބުނެފައި ވަނީ މިދުވަސްވަރު (ކެމްޕެއިން ހިނގަމުންދާ ދުވަސްވަރު) އާ ދިމާކޮށް މިސްކިތްތަކުގައި ކުރަމުންދާ މަސައްކަތްތައް އަވަސް އަރުވާލައިގެން ފަރުވާލެއްނެތި މަސައްކަތް ކުރަމުންދާ ކަމަށެވެ.

މީގެ އެތަކެއް ދުވަސް ކުރިން މި އިން އެއްވެސް މަސައްކަތަކާއި، ހަވާލުވުނެ މި ކަންކަމުގެ ކަންބޮޑުވުން ސިޓީ ކައުންސިލާ ހިއްސާ ކުރުމުންވެސް އެއްވެސް ހައްލެއް ނުލިބި ހުރުމަށްފަހު މި ފަހަކުން މިފަދަ ކަންކަން ސިޓީ ކައުންސިލުން ކުރައްވަމުން އަންނަނީ ވަކި މަގުސަދެއްގައި ކަން ފާހަގަ ކުރެވޭ ކަމަށްވެސް ބައެއް ފަރާތްތަކުން ބުނެފައިވެ އެވެ.

މާލޭ ސިޓީ ކައުންސިލުން ވަނީ މާލޭގެ މަގުތަކުގައި އަނދާފައި ހުރި ލައިޓުތައް އަލުން ބަދަލުކޮށް އަނދިރި މަގުތަކުގައި މިއަދު ލައިޓުވެސް ހަރުކުރަން ފަށާފަ އެވެ.

މިދިޔަ ހަފްޓާއިން ފެށިގެން މާލޭ ސިޓީ ކައުންސިލުން ދަނީ މާލެތެރެ ޒީނަތްތެރިކުރުމުގެ މަސައްކަތްވެސް ކުރަމުންނެވެ. އެގޮތުން މާލެ ވަށައި ފާރު ކުލަ ލައި މަގުތަކުގައި ކުލަލުމާއި، ޖެޓީ ސަރަހައްދުގެ މޫދާއި، ކާނު ތަކާއި، މަގުތަކުގެ މަރާމާތުގެ މަސައްކަތްތައް ހިމެނެއެވެ.