ތިނަދޫ ސިޓީ މަގު ހެދުމުގެ ތިންވަނަ ސެގްމެންޓުގެ މަސައްކަތް މިއަދު ފަށައިފި

ތިނަދޫ ސިޓީ މަގު ހެދުމުގެ ތިންވަނަ ސެގްމެންޓުގެ މަސައްކަތް މިއަދު ފަށައިފި އެވެ.

ތިނަދޫ ސިޓީގެ މަގުތައް ޒަމާނީ ފެންވަރަށް ތަރައްގީ ކުރުމަށްޓަކައި ރޯޑް ޑިވަލޮޕްމަންޓް ކޯޕަރޭޝަން (އާރުސީ) އާ ހަވާލުކޮށްފައިވާ ތިނަދޫ ސިޓީގެ މަގުތައް ޒަމާނީ ފެންވަރަކަށް ތަރައްގީ ކުރުމުިގެ މަޝްރޫއުގެ ތިންވަނަ ފިޔަވަހީގެ މަސައްކަތް ފަށްޓަވައިދެއްވީ މިއަދފު އެ ސިޓީގައި ބޭއްވި ހާއްސަ ރަސްމިއްޔާތެއްގައި ހައުސިން އެންޑް އިންފްރާ ސްޓަރކްޗަރ ޑރ. އަބުދުﷲ މުއްތަލިބެވެ.

މި މަޝްރޫއުގެ ދަށުން ތިނަދޫ ސިޓީގެ 50 މަގު (19.3 ކިލޯ މީޓަރު)ގެ ސަރަހައްދެއްގައި ތާރު އެޅުމާއި، ފެންހިންދާ ނިޒާމުގެ ގާއިމުކުރުމުގެ މަސައްކަތް ކުރިއަށް ގެންދިއުމަށް ވަނީ ހަމަޖެހިފަ އެވެ.

މި މަސައްކަތް ނިންމަޖެހެނީ 1440 ދުވަހުގެ ތެރޭގަ އެވެ. އެއީ ގާތްގަނޑަކަށް 4 އަހަރު ދުވަހުގެ މުއްދަތެކެވެ.

މީގެ އިތުރުން މިއަދު ވަނީ ތިނަދޫ ސިޓީގައި 50 ހައުސިން ޔުނިޓު އެޅުމުގެ މަސައްކަތްވެސް ފަށްޓަވާފަ އެވެ. މި މަސައްކަތްވެސް ފަށްޓަވައިދެއްވީ ޑރ. އަބުދުﷲ މުއްތަލިބެވެ.