ބޮޑުތަކުރުފާނު މަގުގެ އިރުމަތިފަރާތް ހެދުމުގެ މަސައްކަތް ފަށައިފި

ބޮޑުތަކުރުފާނު މަގުގައި ހެންވޭރު ފެރީ ޓާމިނަލުން ފެށިގެން އިއްޒުއްދީން ޖެޓީ ސަރަހައްދުގެ މަސައްކަތްތައް އެމްޓީސީސީން މިއަދު ފަށައިފިއެވެ.

ބޮޑުތަކުރުފާނު މަގު ޒަމާނީ ފެންވަރަށް ހެދުމުގެ އަމަލީ މަސައްކަތް ފެށީ އޮގަސްޓް މަހުގެ 22 ވަނަ ދުވަހެވެ.

ތިން ސެގްމަންޓަކަށް ބަހާލައިގެން ކުރިއަށްގެންދާ މި މަސައްކަތުގެ ދަށުން 830 މީޓަރުގެ މަގެއް ހަދާއިރު 737 މީޓަރުގެ ސަރަހައްދެއްގައި ޝީޓް ޕައިލް މަސައްކަތް ކުރާނެއެވެ. އަދ،ި ތާރު އަޅައި ސަބްބޭސް ތައްޔާރު ކުރުމާއި، ހިނގާ މީހުންނަށް ވަކި ލޭނެއް ގާއިމުކުރުމާއ،ި ފެންހިންދާ ނިޒާމެއްވެސް ގާއިމު ކުރެވޭނެއެވެ.

މީގެ ތެރެއިން މިހާތަނަށް ފުރަތަމަ ދެ ސެގްމެންޓުގެ މަސައްކަތް ނިންމައި، އާއްމުންނަށް ހުޅުވާލާފައިވާއިރު، ތިން ވަނަ ސެގްމެންޓުން ފަސް ވަނަ ސެގްމެންޓަށް ހިމެނޭ ސަރަހައްދުގެ މަސައްކަތް އެމްޓީސީސީން މިއަދު ވަނީ ފަށައިފައެެވެ.