ތެލެސީމިއާ ދުވަހު ހިލޭ ޓެސްޓް ހަދަން ނިންމައިފި

މިއަހަރުގެ ބައިނަލްއަގްވާމީ ތެލެސީމިއާ ދުވަހާ ގުޅުވައިގެން، ހިލޭ ތެލެސީމިއާ ޓެސްޓް ހެދުމުގެ ހާއްސަ ހަރަކާތެއް 7 މެއި 2026 ވަނަ ދުވަހު ކުރިއަށް ގެންދަން ނިންމައިފިއެވެ.

މި ހަރަކާތް ކުރިއަށް ދިއުމަށް ހަމަޖެހިފައިވަނީ އެ ދުވަހުގެ ހެނދުނު 8:30 އިން މެންދުރުފަހު 2:30 އަށް، ބުރުޒު މަގުގައި ހުންނަ ޝީ ބިލްޑިންގ (މ. ކުލުނުވެހި) ގެ ފުރަތަމަ ފަންގިފިލާގައެވެ.

މި ހަރަކާތުގެ ތެރެއިން، ޓެސްޓު ހެދުމަށް ވަޑައިގަންނަވާ ފުރަތަމަ 100 ފަރާތަކަށް ހިލޭ ތެލެސީމިއާ ސްކްރީން ކުރުމުގެ ފުރުޞަތު ހުޅުވާލެވިފައިވެއެވެ

. މި ޚިދުމަތް ދިނުމަށް ހަމަޖެހިފައިވަނީ އުމުރުން 10 އަހަރުން މަތީގެ ފަރާތްތަކަށެވެ.

ކޮންމެ އަހަރެއްގެ މެއި މަހުގެ 8 ވަނަ ދުވަހު ފާހަގަކުރާ ބައިނަލްއަގްވާމީ ތެލެސީމިއާ ދުވަހާ ގުޅުވައިގެން ބާއްވާ މި ހަރަކާތުގެ މައިގަނޑު މަގުސަދަކީ، ތެލެސީމިއާއަށް ހޭލުންތެރިކަން އިތުރުކުރުމާއި، ބަލި ދެނެގަތުމަށްޓަކައި އަވަހަށް ޓެސްޓުކުރުމަށް ހިތްވަރުދީ، ޢާންމުންނަށް ފަސޭހަކަމާއެކު މި ހިދުމަތް ފޯރުކޮށްދިނުމެވެ.