
ދިވެއްސަކަށް ގެއްލުންވިކަމުގެ ރިޕޯޓެއް ނުލިބޭ: ލަންކާ ހައިކޮމިޝަން

ޝަހްޒާ މުޙައްމަދު - 29 ނޮވެމްބަރު 2025 - 07:14
އަވައްޓެރި ސްރީލަންކާއަށް މިހާރު ކުރަމުންދާ މޫސުމީ ވިއްސާރާގައި އިއްޔެ ދިވެއްސަކަށް ގެއްލުންވިކަމުގެ ރިޕޯޓެއް ލިބިފައިނުވާކަމަށް އެޤައުމުގައި ހުންނަ ދުިވެހި ހައިކޮމިޝަނުން ބުނެފިއެވެ.
ލަންކާއަށް ކުރަމުންދާ ވިއްސާރާގައި އިއްޔެ ނޫރަލިއާއަށް ދިޔަ ދިވެހި އާއިލާއެއް ގެއްލުނުކަމުގެ ހަބަރުތަކެއް މީޑިއާގައި ދައުރުވަމުްނދިޔައިރު، ފަހުން ވަނީ އެމީހުން ފެނުނުކަމަށް ރިޕޯޓްކޮށްފައެވެ. ނަމަވެސް ކަމާބެހޭ އެއްވެސް އިދާރާއަކުން އެކަން ކަށަވަރުކޮށްދީފައެއް ނުވެއެވެ.
ދައުލަތުގެ މީޑިއާ ޕީއެސްއެމަށް މައުލޫމާތު ހިއްސާކުރަމުން ލަންކާގައި ހުންނަ ރާއްޖޭގެ އެމްބަސީން ރޭ ބުނެފައިވަނީ ވިއްސާރާގައި ފެންބޮޑުވެ ދިވެއްސަކަށް ގެއްލުންވިކަމުގެ ރިޕޯޓެއް ލިބިފައިނުވާކަމަށެވެ. ނަމަވެސް ދިވެހިންގެ ހާލަތު ވަރަށް ގާތުން ބަލަމުންދާކަމަށް އެމްބަސީން ވަނީ ބުނެފައެވެ. އެގޮތުން އެހީތެރިކަން ބޭނުންނަމަ ގުޅޭނެ ހާއްސަ ހޮޓްލައިނެއް ވަނީ ގާއިމްކޮށްފައެވެ. އެގޮތުން އެހީތެރިކަމެއް ބޭނުންވެއްޖެނަމަ އެމްބަސީން ވަނީ 768816666 އަށް ގުޅުމަށް އެދިފައެވެ.
އެމްބަސީން ވަނީ ތޫފާން ޑިޓްވާހ ގެ ނުރައްކަލުން ރާއްކާތެރިވުމަށް މިވަގުތަށް ކޮންމެހެން ކުރަންޖެހޭ ދަތުރުތައް ނުކުރުމަށާއި ހާއްސަކޮށް ފެންބޮޑުވެ ބިންގަނޑު ކަނޑައިގެންދާ ސަރަހަައްދުތަކުން ދަތުރު ނުކުރުމަށް ލަންކާގައި ތިބި ދިވެހިންނަށް އިލްތިމާސްކޮށްފައެވެ. އަދި ފެނާއި ކާބޯތަކެތީގެ އިތުރުން ބޭސްފަދަ ތަކެތި އަތުޖެހޭ ހިސާބުތަކުގައި ބަހައްޓައި، މޯބައިލްފޯން ޗާޖްކޮށް، ލިޔެކިޔުންތަކަށް ރައްކާތެރިވުމަށްވެސް ވަނީ އިލްތިމާސްކޮށްފައެވެ.
ސްރީލަންކާ އެރި ތޫފާނުގެ ސަބަބުން ބޯކޮށް ވާރޭވެހި ކޯރުތައް ބަންޑުންވެ، ގިނަ ސަރައްދުތަކެއްގެ ބިންގަނޑު ވަނީ ކަނޑައިގެންގޮސްފައެވެ.
ގުޅުން ހުރި ޙަބަރުތައް

6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
3 އަހަރު ކުރިން

ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
3 އަހަރު ކުރިން

އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
3 އަހަރު ކުރިން

ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
3 އަހަރު ކުރިން


