ރައީސް އިބްރާހީމް މުޙައްމަދު ސޯލިހް ރިޔާސީ ބަޔާން އިއްވި ޖަލްސާއަށް ރައީސް ނަޝީދަށް ތާއިދުކުރާ މެމްބަރުން ހާޒިރުނުވޭ

ރައްޔިތުންގެ މަޖިލީހުގެ މިދައުރުގެ ފުރަތަމަ ޖަލްސާއަށް ރައްޔިތުންގެ މަޖިލީހުގެ ރައީސް އަދި މޯލްޑިވިއަން ޑިމޮކްރެޓީކް ޕާރޓީ އެމްޑީޕީގެ ރައީސް މުހައްމަދު ނަޝީދުއަށް ތާއިދުކުރައްވާ އެއްވެސް މަޖިލިސް މެމްބަރަކު ހާޒިރުވެފައި ނުވެއެވެ. ރައީސުލްޖުމްހުރިއްޔާ އިބްރާހީމް މުޙައްމަދު ސޯލިހް ވަނީ އެ ޖަލްސާގައި ރިޔާސީ ބަޔާން އިއްވަވާފައެވެ.

ރައީސް ނަޝީދަށް ތާއިދު ކުރައްވާ މެމްބަރުން ތިއްބަވަނީ ރައީސް އިބްރާހިމް މުހައްމަދު ސޯލިހް އާއި އެ މަނިކުފާނުގެ ސަރުކާރުގެ ކަންކަމާއި ވަރަށް ބޮޑަށް ހިތްހަމަޖެހި ވަޑައިނުގަނެފައިކަން ފާހަގަކޮށްލެވެއެވެ. އެގޮތުން ރައީސް ނަޝީދަށް ތާއިދުކުރައްވާ ބައެއް ރައްޔިތުންގެ މަޖިލީހުގެ މެމްބަރުން ވަނީ ޓްވީޓް ކުރައްވާފައިއެވެ.

ކުރައްވާ ވެރިކަމާއި މެނިފެސްޓޯ އާއި ދިމާނުވާ ކަމަށް އުނގޫފާރު ދާއިރާގެ މެމްބަރު މުޙައްމަދު ވަހީދު (ވައްޑޭ) ވިދާޅުވިއެވެ.މިގޮތަށް އުނގޫފާރު ދާއިރާގެ މެމްބަރު ވިދާޅުވެފައިވަނީ ރައީސުލްޖުމްހުރިއްޔާ އިބްރާހީމް މުޙައްމަދު ސޯލިހް، މިއަދު ރިޔާސީ ބަޔާން އިއްވުމާއި ގުޅިގެން ކުރެއްވި ޓްވީޓެއްގައިއެވެ.

މުޙައްމަދު ވަހީދު (ވައްޑޭ) އިތުރަށް ވިދާޅުވީ ރައީސުލްޖުމްހުރިއްޔާގެ ރިޔާސީ ބަޔާންތަކާއި އަމަލު ކުރައްވާ ގޮތާއި ދިމާ ނުވާކަމަށް. އަދި މިއަދުގެ ރައްޔިތުންގެ މަޖިލީހުގެ ޖަލްސާއަށް ވަޑައިނުގެންނެވި ސަބަބު ބަޔާންކުރައްވާ ވިދާޅުވީ، އަނެއްކާވެސް ރައީސް ސޯލިހް އިތުރު ދޮގުތައް ހައްދަވާ، ރައްޔިތުންގެ މޫނު މަތީ އިތުރަށް އަނދުން އަޅުވާ ތަން ބައްލަވައި، އަތްޖައްސަވަން މަޖިލީހުގައި އިނުމަށް އޭނާގެ ޒަމީރު ގަބޫލުނުކުރައްވާ ކަމަށްށެވެ.މުޙައްމަދު ވަހީދު (ވައްޑޭ) އަކީ ރައީސް މުޙައްމަދު ނަޝީދުއަށް ތާއިދުކުރައްވާ މެމްބަރެކެވެ.

އަލީ އާޒިމް ކުރެއްވި ޓްވީޓު

މީގެ އިތުރުން، ރައީސް ނަޝީދަށް ތާއިދުކުރައްވާ، މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ވެސް ވަނީ މި ސަރުކާރަށް ފާޑުވިދާޅުވެ، ޓްވީޓް ކުރައްވާފައިއެވެ. އެގޮތުން އޭނާގެ ޓްވީޓްގައި ވިދާޅުވީ 5 އަހަރު ދުއްވާލީ ވައްކަމާއި ކޮރަޕްޝަން ނުބެލި ކަމަށާއި ވައްކަމާއި ކޮރަޕްޝަން ހިންގައި، އަދި އެކަމަށް ޖާގަ ދިން ދައުރެއްގެ ގޮތުގައި ސިފަކުރައްވާފައިއެވެ.

އަދި ހަމަ އެހެންމެ މެދު ހެންވޭރު ދާއިރާގެ މަޖިލިސް މެމްބަރ ޢަލީ އާޒިމް ވެސް ވަނީ ސަރުކާރަށް ފާޑު ވިދާޅުވެ ޓްވީޓް ކުރައްވާފައިއެވެ. އެގޮތުން އޭނާ ވިދާޅުވީ، މިދަނީ މި ސަރުކާރުގެ 5 ވަނަ އަހަރު ގުނަމުން ކަމަށާއި ކޮންމެ ރިޔާސީ ބަޔާނެއްގައި " މިއަހަރު ދޭނަން" ކަމަށް ތަކުރާރުކޮށް ފާއިތުވެ ދިޔަ 4 އަހަރު ރައީސް އިބްރާހިމް މުހައްމަދު ސޯލިހް ވިދާޅުވާކަމަށާއި ދެން އިތުރު އަހަރެއް ، ދައުރުގައި ނެތްކަން އެނގިވަޑައިގަތުމުން ވިދާޅުވީ ދެގުނަ ކުރައްވާފައި ލިޔުން ދޭނެކަމަށްށެވެ.

ރައީސް މުޙައްމަދު ނަޝީދު އާއި އެމަނިކުފާނަށް ތާއިދުކުރައްވާ މެމްބަރުންގެ ކަންބޮޑުވުމަކީ އެމްޑީޕީގެ ސިޔާސަތުތައް ދޫކޮށް އިއްތިހާދުގެ ސިޔާސަތުތައް ރައީސް ސޯލިހް ކުރިއެރުވުމެވެ. އަދި ރައީސް ސޯލިހް އެއްވެސް ޕްލޭނެއް ނެތި، މަޝްރޫއުތައް ކުރިއަށް ގެންދެވުމާއި އެމްޑީޕީގެ ވަހްދަތު ނަގަހައްޓާފައި ނުވާކަމަށް އެ ބޭފުޅުން ވިދާޅުވެއެވެ.

އެމްޑީޕީގެ ރިޔާސީ ޕްރައިމަރީ އާއި ގުޅިގެން ރައީސް ސޯލިހް އާއި ރައީސް ނަޝީދުގެ ދެ ފެކްޝަން މެދުގައި ވަރުގަދަ ރައްދުތައް ބަދަލުކުރެވެމުން ދިޔަކަންވެސް ފާހަގަކޮށްލެވެއެވެ.އަދި އެމްޑީޕީގެ ރިޔާސީ ކެންޑިޑޭޓަކަށް ހޮވިވަޑައިގެންފައިވަނީ ވެސް ރައީސް ސޯލިހްއެވެ. އެހެން ނަ،މަވެސް ،ކުރިއަށް އޮތް ރިޔާސީ އިންތިހާބުގައި، ރައީސް ސޯލިހް ވާދަކުރައްވައިގެން އިންތިހާބް އެމްޑީޕީ އަށް ކާމިޔާބް ނުކުރެއްވޭނެ ކަމަށް ރައީސް ނަޝީދު ވަނީ ވިދާޅުވެފައިއެވެ.