logo
ލ. ހިތަދޫގައި އަލަށް އިމާރާތްކުރި ފުލުހުންގެ މަރުކަޒު ރަސްމީކޮށް ހުޅުވުމުގެ ރަސްމިއްޔާތުގެ ތެރެއިން، ފޮޓޯ: ފުލުހުން

ލ. ހިތަދޫގައި އަލަށް އިމާރާތްކުރި ފުލުހުންގެ މަރުކަޒު ރަސްމީކޮށް ހުޅުވުމުގެ ރަސްމިއްޔާތުގެ ތެރެއިން، ފޮޓޯ: ފުލުހުން

ލ. ހިތަދޫގައި އިމާރާތްކުރި ފުލުހުންގެ މަރުކަޒު ރަސްމީކޮށް ހުޅުވައިފި

profile

އާމިނަތު ޝަޒްލާ - 15 ނޮވެމްބަރު 2026 - 11:50

ލ. ހިތަދޫގައި އަލަށް އިމާރާތްކުރި ފުލުހުންގެ މަރުކަޒު (ޕޮލިސް ސްޓޭޝަން) މިއަދު ރަސްމީކޮށް ހުޅުވައި، އެ ރަށުގައި ފުލުހުންގެ ޚިދުމަތް ރަސްމީކޮށް ފަށައިފިއެވެ.

https://wamco.com.mv/

މިއަދު ލ. ހިތަދޫގައި މިކަމަށްޓަކައި ބޭއްވި ޚާއްޞަ ރަސްމިއްޔާތެއްގައި، މި ޕޮލިސް ސްޓޭޝަން ރަސްމީކޮށް ހުޅުއްވައިދެއްވީ ކޮމިޝަނަރ އޮފް ޕޮލިސް އަހުމަދު މުހައްމަދާއި ލ. ހިތަދޫ ކައުންސިލްގެ ރައީސް އިބްރާހީމް ޝަމްޢޫން އެވެ.

ދިވެހި ފުލުހުންގެ ޚިދުމަތުން މަޢުލޫމާތު ދެއްވި ގޮތުގައި، މި ރަސްމިއްޔާތުގައި ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީގެ އިތުރުން ފުލުހުންގެ ސީނިއަރ ބައެއް އޮފިސަރުންނާއި، ހިތަދޫ ކައުންސިލް މެންބަރުންނާއި، އެ ރަށުގެ އެކި މުއައްސަސާތަކުގެ އިސްވެރިންނާއި ގިނަ އަދަދެއްގެ ރައްޔިތުން ބައިވެރިވެފައިވެއެވެ.

ހިތަދޫގައި އަމާން އަދި ރައްކާތެރި މާޙައުލެއް ޤާއިމުކުރުމަށްޓަކައި އަޅާފައިވާ މި ޕޮލިސް ސްޓޭޝަނުގެ މަސައްކަތް ކޮށްފައިވަނީ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ޙަވާލުކޮށްގެންނެވެ. މި އިމާރާތުގެ ބިންގާ އަޅާފައިވަނީ 2023 އޮކްޓޫބަރު 20 ވަނަ ދުވަހުއެވެ.

މި އައު މަރުކަޒު ހުޅުވިގެން ދިއުމާއެކު، ހިތަދޫގެ ރައްޔިތުންނަށް ފުލުހުންގެ ޚިދުމަތްތައް ލާމަރުކަޒީ އުޞޫލުން، އަވަހަށް އަދި ފަސޭހަކަމާއެކު ފޯރުކޮށްދިނުމަށް އިތުރު ބާރަކަށް ވެގެންދާނެ ކަމަށް ފުލުހުންގެ ޚިދުމަތުން ހާމަކުރެއެވެ. މީގެ އިތުރުން، ކުށް މަދުކުރުމަށާއި ރަށުގެ އަމަންއަމާންކަން ދެމެހެއްޓުމަށް ފުލުހުން ކުރަމުންދާ މަސައްކަތްތަކަށް މި މަރުކަޒުގެ ސަބަބުން ވަރަށް ބޮޑު ކުރިއެރުމެއް ލިބިގެންދާނެއެވެ.

https://wamco.com.mv/
tel:+9607331319