ރަޝިޔާއަށް އަސްކަރީ ގޮތުން އެންމެ ވާގިވެރިވެރިވާ ޤައުމަކީ އީރާނުކަމަށް އެމެރިކާއިން ބުނެފިއެވެ.

އަސްކަރީ ކަންކަމުގައި ރަޝިޔާއަށް އެންމެ ބޮޑަށް ވާގިވެރިވެރިވަނީ އީރާނުން ކަމުގައި އެމެރިކާއިން ބުނެއްޖެއެވެ.

މި ގޮތުން އެމެރިކާއިން ތުހުމަތު ކުރާގޮތުގައި މި ދެ ޤައުމުގެ ދެމެދުގައިވަނީ އަސްކަރީ އަސްކަރީ ގިނަ ކަންކަމުގައި އެއްބަސްވުންތަކެއް ވެވިފައެވެ. އަދި ހަމަ އެއާއެކު ދެ ޤައުމުގެ ދެމެދުގައި ވެވިފައިވާ އެއްބަސްވުމުގެ ދަށުން ކެރަމް ޑްރޯންތަކެއް އުފެއްދުމުގެ މަސައްކަތްވެސް މިހާރު ކުރެވެމުން އަންނަކަމަށް އެމެރިކާއިން ތުހުމަތު ކުރެއެވެ.

މިގޮތުން މި ތުހުމަތުތަކަށް އިންކާރުކޮށް އީރާނުން ބުނެފައިވަނީ އެ ޤައުމުން ފޯރުކޮށްދިން ޑްރޯން ތަކަކީ ރަޝިޔާއަށް ، ރަޝިޔާ-ޔޫކްރެއިން ގެ ހަނގުރާމަ ފެށުމުގެ އެތައް ދުވަހެއް ކުރިން ފޯރުކޮށްދިން ތަކެތި ކަމަށާއި އެއީ ހަނގުރާމައިގައި ބޭނުންކުރާ ޑްރޯންތަކެއް ނޫންކަމުގައެވެ.

އީރާނުގެ މި ވާހަކަތަކަށް ރައްދު ދެމުން ޔޫކްރެއިންގެ ރައީސް ޒެލެންސްކީ ވިދާޅުވީ ޔޫކްރެއިނަށް ހަމަލާދިނުމަށްޓަކައި ރަޝިޔާއިން ގިނައިން ބޭނުންކުރީ އީރާނުގެ ޑްރޯންތަކެއް ކަމުގައެވެ.

ޔޫކްރެއިންގެ އުތުރުގެ ސަރަހައްދުތަކަށް ހަމަލާދިނުމުގައި ރަޝިޔާއިން ބޭނުންކުރި 10 އާއި 15 ދެމެދުގެ ޑްރޯން ވައްޓާލައިފައިވާކަމުގައި ޔުކްރެއިންގެ އަސްކަރިއްޔާ އިން މައުލޫމާތު ދެއެވެ.

މިކަމާ ގުޅިގެން އިނގިރޭސި ވިލާތުގެ ފޮރިން ސެކެޓްރީ ޖޭމްސް ކްލެވަލީ ވިދާޅުވި އީރާނު ވެފައިވަނީ ރަޝިޔާއަށް އަސްކަރީ އެހީ ފޯރުކޮށްދޭ މައިގަނޑު ތަނބުކަމުގައިކަމަށެވެ.

ޑިސެންބަރު 26 ވަނަ ދުވަހު ޔޫކްރެއިނުން ދިން މި ފަދަ ޑްރޯން ހަމަލާއެއްގައި ރަޝިޔާގެ އަސްކަރީ ވައިގެ ބަނދަރަކަށް ވަނީ ބޮޑެތި ގެއްލުންތަކެއް ދީފައެވެ. ރަޝިޔާގެ ދިފާޢީ ބާރުން ވަނީ ޔޫކްރެއިނުގެ ޑްރޯންއަށް ހަމަލާދީ ވައްޓައިލާފައެވެ. ނަމަވެސް، މި ހާދިސާގައި ރަޝިޔާ ސިފައިންގެ ތިން މީހުން މަރުވި ކަމަށް އެ ޤައުމުގެ ދިފާޢީ ވުޒާރާއިން ބުނެއެވެ. ނަމަވެސް، ޔޫކްރެއިނުން މި ހަމަލާގެ ޒިންމާ އުފުލާފައެއް ނުވެއެވެ.

ރަޝިޔާ ސިފައިން ޔޫކްރެއިނަށް އަރައި ހަނގުރާމަ ފެށީ ފެބުރުވަރީ 24ވަނަ ދުވަހުއެވެ. ޔޫކްރެއިނުގައި ތިބި "ނާޒީން" އެ ޤައުމުން ބޭރުކުރުމަށް ހިންގާ އަސްކަރީ އޮޕަރޭޝަނެއްގެ ނަމުގައެވެ. ނަމަވެސް، ޔޫކްރެއިނުން ބުނަމުން ދަނީ، އެ ޤައުމުގެ މިނިވަންކަމާއި ސިޔާދަތަށް އަރައިގަނެގެން ތިބި ރަޝިޔާ ސިފައިން އެ ޤައުމުން ބޭލުމަށް ފަހު ނޫނީ، ހަނގުރާމަ ކުރުން ހުއްޓައިނުލާނެ ކަމުގައެވެ. އަމާން ނުދޭނެ ކަމުގައެވެ.