އަލްބޭނިއާގެ މިނިވަން ދުވަހުގެ ތަހުނިޔާ، ފޮރިން މިނިސްޓަރު ފޮނުއްވައިފި

އަލްބޭނިއާގެ މިނިވަން ދުވަހުގެ މުނާސަބަތުގައި އެ ޤައުމުގެ ފޮރިން މިނިސްޓަރު، އެލީސާ ސްޕިރޮޕާލީ އަށް ދިވެހިރާއްޖޭގެ ފޮރިން މިނިސްޓަރު، ޑރ. ޢަބްދުﷲ ޚަލީލް ތަހުނިޔާގެ މެސެޖެއް ފޮނުއްވައިފިއެވެ.

މިނިސްޓަރުގެ މެސެޖުގައި ވިދާޅުވީ، ދިވެހި ސަރުކާރާއި ދިވެހި ރައްޔިތުންގެ ނަމުގައި، އަދި އެމަނިކުފާނުގެ އަމިއްލަ ނަމުގައި ކަމަނާއަށާއި އަލްބޭނިއާ ސަރުކާރާއި ރައްޔިތުންނަށް، އަލްބޭނިއާގެ މިނިވަން ދުވަހުގެ ތަހުނިޔާ އާއި އިޚްލާސްތެރި ހެޔޮއެދުންތައް އަރިސްކުރައްވާކަމަށެވެ.

އަދި އެމަނިކުފާނުގެ އުންމީދަކީ ކުރިއަށް އޮތް އަހަރުތަކުގައި ދިވެހިރާއްޖެއާއި އަލްބޭނިއާ ދެމެދުގައި މިހާރު އޮތް ގުޅުން، ދެ ޤައުމަށް ފައިދާކުރުވަނިގޮތެއްގައި ހަރުދަނާވެގެންދިއުންކަމަށް ވެސް ވިދާޅުވިއެވެ.

އަލްބޭނިއާގެ ފޮރިން މިނިސްޓަރަށް މިނިސްޓަރު ހަލީލް ފޮނުއްވި ގެ މެސެޖުގައި ވިދާޅުވީ، އެމަނިކުފާނު އެކަމަނާއަށް ކުރައްވާ ގަދަރު އާކޮށް، އެކަން ޔަގީންކޮށް އެރުވުމަށް މި ފުރުސަތުގެ ބޭނުންކުރައްވާކަމަށެވެ.