ވޭވަށުގެ އިންތިޙާބުގެ މައްސަލަ އަށް މިއަދު ގޮތެއް ނިންމަނީ

މ. ވޭވަށު ކައުންސިލްގެ އިންތިހާބުގެ މައްސަލަ ނިންމަން ސުޕްރީމް ކޯޓުން ތާވަލުކޮށްފިއެވެ.

މި މައްސަލަ އަކީ މ. ވޭވަށު ކައުންސިލްގެ އިންތިހާބު ކާމިޔާބު ކުރި އެމްޑީޕީގެ ކެންޑިޑޭޓްގެ ގޮނޑި، ހައިކޯޓުގެ ހުކުމަކާއެކު ޕީއެންސީ ކެންޑިޑޭޓަކަށް ލިބުނު މައްސަލައިގެ ސްޕްރީމް ކޯޓަށް ހުށައަޅައި ގޮތެއް ނިންމުމަށް ބޭއްވި އިސްތިއުނާފުގެ މައްސަލަ އެކެވެ.

މި މައްސަލަ ސުޕްރީމް ކޯޓުން ނިންމަން ތާވަލުކޮށްފައި އޮތީ ހެނދުނު 10:30 އަށެވެ. މި މައްސަލަ ސުޕްރީމް ކޯޓުގައި ބަލަނީ ފަނޑިޔާރު އަބްދުﷲ ހަމީދު، ހުސެއިން ޝަހީދު އަދި މުހައްމަދު ސަލީމްއެވެ.

އިލެކްޝަންސް ކޮމިޝަންގެ ކޮމްޕްލެއިންސް ބިއުރޯ އަށް މި މައްސަލަ ހުށައެޅުމުން އިލެކްޝަން ކޮމިޝަނުން ވަނީ އަލުން ވޯޓުތައް ގުނާފަ އެވެ. ވޯޓު އަލުން ގުނުމުން ކޮންމެ ކެންޑިޑޭޓަކަށް ލިބުނު ވޯޓުގެ އަދަދުން އެއް ވޯޓު މަދުވި ނަމަވެސް، މޮޅުވި ކެންޑިޑޭޓު އޭރު ބަދަލު ވެފައެއް ނުވެއެވެ.