ޕީއެންސީ މާފަންނު މެދު ދާއިރާގެ ކެމްޕޭން ޖަގަހަ ހުޅުވައިފި

ޕީއެންސީ މާފަންނު މެދު ދާއިރާގެ ކެމްޕޭން ޖަގަހަ ހުޅުވައިފިއެވެ.

ޕީއެންސީގެ ފަރާތުން ކުރިއަށް އޮތް ލޯކަލް ކައުންސިލް އިންތިހާބުގެ މާފަންނު މެދު ދާއިރާގެ ކެމްޕޭން ޖަގަހަ ހުޅުވައިދެއްވީ ރައީސުލްޖުމްހޫރިއްޔާގެ އަނބިކަނބަލުން ފަސްޓްލޭޑީ މެޑަމް ސާޖިދާ މުހައްމަދު އެވެ.

މާފަންނު މެދު ދާއިރާގެ ޕީއެންސީ ޖަގަހަ ހުޅުވުމުގެ ރަސްމިއްޔާތުގައި ޕީއެންސީގެ ލީޑަރޝިޕްގެ އިސް ބޭފުޅުންނާއި ދައުލަތުގެ ވަޒީރުގެ އިތުރުން ރައްޔިތުންގެ މަޖިލީހުގެ މެމްބަރުންނާއި ލޯކަލް ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމިޓީއަށް މާލެއިން ޕީއެންސީގެ ޓިކެޓްގައި ވާދަކުރައްވާ މެމްބަރުން ބައިވެރިވެ ވަޑައިގެންނެވިއެވެ.

ޕީއެންސީގެ ފަރާތުން ލޯކަލް ކައުންސިލް އިންތިހާބުގެ ކެމްޕޭން ފޯރީގައި މާލެ އާއި ރާއްޖޭގެ ރަށްތަކުގައި ކުރިއަށްގެންދާއިރު، މާލެ ސަރަހައްދުގައި ދޮރުން ދޮރަށް ހިނގުމުގެ ހަރަކާތްތަކާއި ޖަގަހަތައް ހުޅުވުމުގެ ހަރަކާތްތަކާއި ޖަލްސާތައް ދަނީ ބާއްވަމުންނެވެ.

ޕީއެންސީގެ ފަރާތުން މާލެ ސިޓީ އާއި ކުޅުދުއްފުށި ސިޓީ އާއި ތިނަދޫ ސިޓީ އާއި އައްޑޫ ސިޓީގައި ލީޑަރޝިޕްގެ ޓީމްތައް ވަޑައިގެން ކެމްޕޭން ލޯންޗް ކުރުމުގެ ޖަލްސާތައް ވަނީ ކުރިއަށް ގެންގޮސްފައެވެ.