ހޭންޑް ބޯޅައިގެ އަހަރުގެ އެންމެ މޮޅު ކުޅުންތެރިޔަކަށް ފާތިމަތު ޖުނާ

ހޭންޑް ބޯޅައިގެ އަހަރުގެ އެންމެ މޮޅު ކުޅުންތެރިޔަކަށް ފާތިމަތު ޖުނާ ހޮވިއްޖެ އެވެ.

އަހަރުގެ އެންމެ މޮޅު ކުޅުންތެރިޔަކަށް ނޮމިނޭޓުވެފައި ވަނީ ޔަޝްފާ އާދަމް، ފާތިމަތު ޖުނާ، ޒުލެއިޙާ އިބްރާހީމް އެވެ.

އެތްލެޓިކްސްގެ އަހަރުގެ އެންމެ މޮޅު އަންހެން އެޓްލީޓުންނަށް ވާދަކުރާ ފަރާތްތަކުގެ ތެރެއިން ނޮމިނޭޓުވެފައި ވަނީ ފަސުހާ އަޙްމަދު، އަމްނާ ނިޒާރު، އަދި އައިޝަތު ޝައިމް އަޒީޒް އެވެ. އަންހެން އެންމެ މޮިޅު އެތްލީޓަކަށް ހޮވިފައި ވަނީ ފަސުހާ އަޙްމަދެވެ.

ރޭގެ މި ޙަފުލާގައި، ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފްވެސް ބައިވެރިވެވަޑައިގެން، ބައެއް އެވޯޑުތައް ހަވާލުކޮށްދެއްވާފައިވެއެވެ. ހަމަމިއާއެކު، ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދުވެސް ވަނީ މިރޭގެ ރަސްމިއްޔާތުގައި ބައިވެރިވެވަޑައިގެން، ބައެއް އެވޯޑުތައް ހަވާލުކޮށްދެއްވާފައެވެ.

މޯލްޑިވްސް ސްޕޯޓްސް އެވޯޑްސް އަކީ ކުޅިވަރުގެ ދާއިރާއިން ދިވެހިރާއްޖެއަށް ޚިދުމަތްކޮށްދެއްވާފައިވާ އަދި ޚިދުމަތްކޮށްދެއްވަމުންގެންދަވާ ފަރާތްތަކުގެ އަގުވަޒަންކުރެއްވުމުގެ މަޤްޞަދުގައި، ދިވެހިރާއްޖޭގައި ބާއްވާ އެންމެ ޝަރަފުވެރި އިހުތިފާލެވެ. މިރޭގެ ޙަފުލާގައި ފާހަގަކުރައްވާފައިވަނީ 2024 ވަނަ އަހަރުގެ ކާމިޔާބީތަކެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ އިސްނެންގެވުމާއެކު، ކުޅިވަރު ތަރައްޤީކޮށް ކުރިއެވުމަކީ ޤައުމީ އަހުމިއްޔަތެއްކަމުގައި ވަނީ ކަނޑައަޅުއްވާފައެވެ.