މ. އޯކިޑްޕްލާޒާގޭގައި ރޯވި އަލިފާން ސިފައިން ކުރި މަސައްކަތުން ނިއްވާލައިފިއެވެ.
މިހާދިސާގައި އެއްވެސް މީހަކަށް އަނިޔާވިކަމުގެ ރިޕޯޓެއް ލިބިފައި ނުވާކަމަށް އެމްއެންޑީއެފުން ވަނީ ބުނެފައެވެ.
ދިވެހި ފުލުހުންގެ ޚިދުމަތުން ބުނި ގޮތުގައި އަލިފާނުގެ ހާދިސާ ހިނގައިގެން ސިފައިންނާއި އާންމުން ހަރަކާތްތެރިވިއިރު، އެ ސަރަހައްދުގައި އާންމުންގެ މީހަކު ވަނީ މާރާމާރީ ހިންގާފައެވެ. ނަމަވެސް މި މާރާމާރީ ހިންގި ސަބަބެއް ހާމަކޮށްފައި ނުވާއިރު މިމައްސަލާގައި މީހަކު ވަނީ ހައްޔަރުކޮށްފައެވެ.
މައުލޫމާތު ލިބިފައިވާ ގޮތުގައި އަލިފާން ނިއްވުމުގައި ދިވެހި ސްކައުޓުންގެ އެހީތެރިކަންވެސް ވަނީ ފޯރުކޮށްދީފައެވެ.