logo

މުޖުތަމަޢު އިޞްލާހް ކުރުމުގައި މީޑިއާގެ ދައުރު

profile

ޒިދާން މުޙައްމަދު - 04 އޯގަސްޓު 2025 - 04:50

މީޑިއާ ނުވަތަ ޚަބަރު ފަތުރާ ވަޞީލަތްތައް މުޖުތަމަޢެއް ބިނާކުރުމުގައި ވަރަށް މުހިންމު ދަޢުރެއް އަދާކުރެއެވެ. އަދި އަނެއްކޮޅުން މުޖުތަމަޢެއް ހަލާކުވެ، އިޖުތިމާޢީ ފޭރާން ވީދި ވިއްސިވިހާލިވުމުގައިވެސް މެދުވެރިއަކަށް މީޑިއާ ވެދާނެއެވެ. ހަގީގަތަކީ މިއެވެ.

https://wamco.com.mv/

ދޮގު ޚަބަރުތައް ފަތުރައި މުޖުތަމަޢުގެ އަފުރާދުންގެ މެދުގައި، ފަސާދައާއި ފިތުނަވެރިކަމާއި ދެކޮޅުވެރިކަމާއި ނޭއްގާނީކަން ފަތުރާ ނޫސްވެރިންނާއި މީޑިއާތައްވެސް މަދެއް ނޫނެވެ. ދިވެހިރާއްޖެއާއި ބޭރުގެ ކަރަކަރައިގައިވެސް މެއެވެ.

ދޮގު ޚަބަރު ފެތުރުމުގެ ނުބައިކަމާއި، ދޮގު ޚަބަރު ރައްދުވެއްޖެ މީހާގެ ޢަމަލުތައް ބަހައްޓަންވީ ގޮތާމެދު، ކީރިތި ޤުރުއާނާއި ޙަދީޘްފުޅުން ސާފު މިސާލު ފެންނާން އެބައޮތެވެ. މީހަކު ދައްކާހާ ވާހަކައެއް ބަލައިލުމެއް ނެތި ޤަބޫލުކުރުމާމެދު އިސްލާމް ދީން އަންގަވަނީ ކީކޭ ހެއްޔެވެ؟ ތިމާ ވާން ޖެހޭނީ ތިމާއަށް އިވޭ ވާހަކަތައް ކަނުލައި އަޑުއަހައި، އެކަމުގެ ތެދު ދޮގު ބަލާ މީހަކަށް ކަމުގައެވެ.

މުސްލިމުން އުޅެންވާގޮތް، ކީރިތި ޤުރުއާނާއި ސުންނަތުން ސާބިތުވާކަން އަބަދުވެސް ހަނދާނުގައި ބަހައްޓާށެވެ. ދޮގުހެދުމާއި، ޣީބަ ބުނުމާއި، ނެތިމޮށުމާއި، މީހުންގެ ޢަބުރަށް އަރައިގަތުން ފަދަ ވިހަ އާދަތައް މިއިސްލާމީ މުޖުތަމަޢުގައި ފެތުރިފައިވެއެވެ. އެހެންކަމުން އަމިއްލަ ނަފުސުތައް މިކަމުން ޠާހިރުކުރުމަށް ޢަޒުމު ކަނޑައެޅުން ކީއްތޯއެވެ؟ އަދި ހުރިހާ މަންސައެއްގައިވެސް ދޫ ރައްކާތެރިކުރުމަށް އަހަރެންނާއި ތިބާއަށްވެސް ނަސޭހަތްތެރިވަމެވެ.

މުޖުތަމަޢު އިޞްލާހް ކުރުމުގައި މީޑިއާގެ ދައުރު ބޮޑެވެ. މީޑިއާގެ މަންސަތަކަކީ ދޮގު ޚަބަރު ފަތުރާ މަންސަތަކަށް ނުހަދަމާ ހެއްޔެވެ؟ ތެދުބުނުމާއި ހެޔޮ ފޯރުކޮށްދިނުމުގައި ނޫސްވެރިންނާއި ލިޔުންތެރިންނާއި ޓީވީ ހުށަހެޅުންތެރިންނަށް މުޖުތަމައަށް ނަމޫނާ ދައްކައި މަގުދެއްކިދާނެއެވެ.

އިސްލާމްދީނުގެ މައުލޫމާތާއި ޤުރުއާނާއި ސުންނަތް ބުނެދީ، ފެތުރުމުގައި ހަގީގަތުގައި ދިވެހި މީޑިއާއިން ވަރަށް ގިނަ މަސައްކަތްތަކެއް ކުރެއެވެ. ރާއްޖޭގައި އިއްޔެވެސް މިއަދުވެސް ދީނީ ކޮންޓެންޓަށް ހާއްސަ ޓީވީ ޗެނަލްތަކާއި ރޭޑިއޯ ޗެނަލްތައް ހުރުމަކީ އޭގެ ހެއްކަކަށް ފުދެއެވެ. އަދި މީގެ އިތުރުން، ދައުލަތުގެ ޓީވީ ޗެނަލްތަކާއި ޕްރައިވެޓް ޓީވީ ޗެނަލްތައް އަދި އޮންލައިން ނޫސްތަކާއި މައުލޫމާތު ފޯރުކޮށްދޭ ވެބްސައިޓުތަކުން އަންނަނީ ދީނީ ދަރުސްތަކާއި މައުލޫމާތުތައް ފޯރުކޮށްދެމުންނެވެ. ޚަބަރު ގަޑިތަކާއި އެކަމަށް ހާއްސަ ޕްރޮގުރާމްތައް އުފައްދައި ދުރަށް ދައްކައިގެން ނުވަތަ މައުލޫމާތު މުއްސަނދި ލިޔުންތައް އިންޓަނެޓްގައި ޝާއިއުކޮށްގެނެވެ.

ޚަބަރުފަތުރާ ހުރިހާ ވަސީލަތްތަކަކީ އަމާނާތްތެރި ވަސީލަތަކަށްވާންޖެހެއެވެ. މީޑިއާ ވާންޖެހޭނީ ތެދުވެރި ބިނާކުރަނިވި ބާރަކަށެވެ. މީސްތަނުންނަށް ޙަޤީޤަތް ބަޔާންކޮށްދޭ ﷲއަށް ބިރުވެރިވާ ފަރާތަކަށެވެ. އެއީ ދޮގު ޚަބަރުތައް ފަތުރައި މީހުން ހިތްތަކުގައި ބިރުވެރިކަން ވައްދާ ވަސީލަތަށް ވެގެން ނުވާނެެއެވެ. ޚަބަރުތައް ފެތުރުމުގައި އާއްމު ރައްޔިތުންވެސް ސަމާލުކަން ދޭންޖެހޭ ކަންތައްތަކެއް ހުރެއެވެ. ތެދު ދޮގު ނުބަލައި މީހަކު ފަތުރާ ކޮންމެ ވާހަކައެއް ނުވަތަ ޚަބަރެއް އިތުރަށް ފަތުރާ ބަޔަކަށް އަހަރެމެން ވެގެން ނުވާނެއެވެ. އަދި ރަނގަޅު ރައުޔެއް ދެވޭނީ އެކަމުގެ ތަޖުރިބާކާރުންނަށް ކަމަށްވާތީ ކޮންމެ ޓްވީޓަކަށް ޖަވާބުދޭ މީހަކަށް ނުވާށެވެ. އަދި މިފަދަ ޓްވީޓުތަކާއި ވައިބަރު ޗެޓްތަކާއި، ފޭސްބުކްގެ ލައިކްތަކުގެ ސަބަބުން މުޖުތަމައުގައި ހަމަނުޖެހުންތައް ހިންގަމުންދާތަން ފެނެއެވެ. މީސްތަކުންގެ ހިތްތަކުގައި ނަފްރަތާއި ނުރުހުން އުފެދެއެވެ. އެހެންކަމުން މިފަދަ ކަންކަމުން ދުރުވާށެވެ.

މުޖުމަތައުގައި ހުރި ގިނަ މައްސަަލަތަކާ ގުޅިގެން މީޑިއާއިން ޝާއިކުރާ ޚަބަރުތަކާއި ރިޕޯޓުތަކަކަކީ މުޖުމަތައެއް ހޭލުންތެރިވެ، ކަންކަން ދަސްވެ، އިސްލާހުވުމަށް ހުޅުވޭނެ ހެޔޮ ދޮރެކެވެ. ޤައުމާއި މުޖުތަމައުގެ އަމަން އަމާންކަމާއި ހަމަޖެހުން އޮންނާނީ މީޑިއާގެ ދައުރު ޒިންމާދާރުކަމާއެކު އަދާކޮށްގެންނެވެ. ބަދަލުގައި ބައިބައިވުމާއި ފިތުނަފަސާދަ އުފައްދާ ބަޔަކަށް އަހަރެމެން މީޑިއާގެ އަހުލުވެރިން ނުވަމާ ހެއްޔެވެ؟

https://etukuri.mv/
https://www.aslu.com.mv