logo

އެންމެ ކުޅެން ބޭނުންވި ރޯލް ކުޅެލަން ނުލިބޭ: ނިއުމާ

profile

އައިޝަތު އިބްރާހިމް - 11 މާރިޗު 2025 - 07:58

ފިލްމް ކުޅުން ހުއްޓާލިއިރުވެސް އެންމެ ކުޅެލަން ބޭނުންވި ރޯލް ކުޅް ލިބިފައި ނުވާ ކަމަށް ދިވެހިރާއްޖޭގެ ފިލްމީ ދާއިރާގައި މިހާތަނަށް އުފެދުނު އެންމެ ވަރުގަދަ އެއް ތަރި ކަމަށްވާ ނިއުމާ މުހައްމަދު ބުނެފިއެވެ.

https://wamco.com.mv/

ދިވެހި ފިލްމީ ދާއިރާގައި އެންމެ ގިނަ އަދަދަކަށް ފިލްމާއި ލަވަ ކުޅެފައިވާ މަޝްހޫރު ބަޠަލާ ނިޢުމާ މުޙައްމަދު މިހެން ބުނެފައިވަނީ ޓިކްޓޮކްގައި ކުރިއަށް ގެންދާ ޓޯކް ޝޯ “ފަންނީ ވާހަކަ” އަށް ދިން އިންޓަރވިއުއްގައެވެ.

އެގޮތުން ނިއުމާ ބުނީ ފިލްމުކުޅުން ހުއްޓާލިއިރުވެސް އެންމެ ކުޅެލަން ބޭނުންވާ ކެރެކްޓަރ ނުވަތަ އެ ރޯލް ކުޅެލަން ލިބިފައި ނުވާކަމަށެވެ. އަންހެނުންނަށް ލީޑް ދީގެން ހަދާފައިވާ ފިލްމްތައް ރާއްޖޭގައި މަދުކަން އޭނަގެ އިންޓަރވިއުގައި ފާހަގަކުރަމުން ނިއުމާ ބުނީ މީހުން ހާދަ މޮޅޭ، ވަރަށް މޮޅޭ އަދި ޚުދު ތިމާ އަމިއްލައަށްވެސް ތިމަންނަ ހާދަ މޮޅޭ އެ އިޙްޞާސް ކުރުވާ އަދި ޤަބޫލު ކުރެވޭ ކަހަލަ ރޯލެއް އަދި މިހާތަނަށްވެސް ކުޅެން ލިބިފައި ނުވާކަމަށެވެ.

"އެއީ އެއްކަލަ ކުރީގަ ބުނީމެއްނު ރާއްޖޭގައި މަދުވާނޭ އަންހެނުންނަށް ޚާއްޞަކޮށްގެން އަންހެނުންނަށް ލީޑް ދީގެން އަންހެނުންނަށް މޮޅު ކެރެކްޓަރއެއް ދީގެން ހަދާ ފިލްމްތައް. އަސްލު އެއްކަލަ ބުނާހެން ވަރަށް މޮޅޭ، މިސާލަކަށް ހާދަ މޮޅޭ، ވަރަށް މޮޅޭ ބުނާވަރުގެ ކެރެކްޓަރ އެއް މިސާލަކަށް އަހަރެން އަމިއްލައަށް ޤަބޫލުކުރާ ވަރުގެ މޮޅު ކެރެކްޓަރ ރޯލެއް ނުލިބޭ ވާހަކަ." ފިލްމީ ތަރި ނިއުމާ މުޙައްމަދު

ނިއުމާ ބުނީ އެކްޓިން ދާއިރާގައި 30 އަހަރުގެ ދިގުމުއްދަތެއް ހޭދަކޮށްފައިވާ ނިއުމާ ބުނީ ކޮންމެ ކަހަލަ ރޯލެއްވެސް ކުޅެވިދާނެ ކަމަށެވެ. ނަމަވެސް ގިނައިން ފުރުޞަތު ލިބިފައި ހުރީ ހިތާމަ ވެރި ރޯލްތަކުން ކަމަށެވެ. ނިއުމާ ބުނީ ހިތާމަވެރި ރޯލްތައް ކުޅެން ފަސޭހަ ނޫންކަމަށާއި ނަމަވެސް ފިލްމް ބަލާ މީހުންގެ ހިތްތަކުގެ އެންމެ ފުނަށް ދިއުމަށް މަގުފަހިވާކަމެއްގެ ގޮތުގައި ނިއުމާ ވަނީ ސިފަކޮށްފައެވެ.

ނިއުމާ ބުނީ ރާއްޖޭގައި ފިލްމް ބަލާ އޯޑިއަންސްއަށް އެންމެ ކަމުދަނީ ހިތާވެރި ފިލްމް ކަމަށާއި އަދި ގިނައީވެސް އެފަދަ ފިލްމްތައް ކަމަށެވެ. އަދި ވަރުގަދަ ކެރެޓަރ ރޯލްތައް ހެދިފައި ނެތްކަންވެސް އޭނަ ފާހަގަކުރިއެވެ. އަންހެނުންނަށް ލީޑް ދީގެން ހަދާފައިވާ ފިލްމްތައް ރާއްޖޭގައި މަދުކަންވެސް ނިއުމާ ވަނީ އޭނަގެ އިންޓަރވިއުގައި ފާހަގަކޮށްފައެވެ.

ދިވެހި ޑްރާމާ ސިލްސިލާ ހިތި ތަޖުރިބާއިން ފިލްމީ ދާއިރާއަށް ނިކުތް ނިއުމާ މުހައްމަދު ވަނީ މިހާތަނަށް 50 ފިލްމް ކުޅެ ގާތްގަނޑަކަށް 30 ވަރަކަށް ޑްރާމާ ސީރީޒްތަކުން ބެލުންތެރިންނަށް ފެނިގެންގޮސްފައެވެ. އަދި 1000 އަށް ވުރެ ގިނަ ވީޑިޔޯ ލަވައިންވެސް ނިއުމާގެ ފަރި ޙަރަކާތްތައް ބެލުންތެރިންނާ ހަމަވަނީ ގެނެސްދީފައެވެ.

https://wamco.com.mv/
https://eportal.mwsc.com.mv/e-pay