އާމިރުޚާންގެ އައު ލޯބިވެރިޔާ މީޑިޔާއަށް ތަޢާރަފްކޮށްދީފި

މަޝްހޫރު ބޮލީވުޑް ތަރި އާމިރް ޚާންގެ އައު ލޯބިވެރިޔާ ގޯރީ ސްޕްރެޓް މީޑިޔާ ތަކަށް ތަޢާރަފްކޮށްދީފިއެވެ.

ބޮލީވުޑްގެ އެކްޓަރު އާމިރު ޚާންގެ 60 ވަނަ އުފަންދުވަސް އިންޑިއާގެ މީޑީއާތަކާ އެކު ފާހަގަކުރިއިރު މި ބައްދަލުވުމުގައި އެކްޓަރު ވަނިީ އޭނަ އައު ލޯބިވެރިޔާ މީޑިއާތަކަށް ތައާރަފުކޮށްދީފިއެވެ.

އިންޑިޔާގެ ވެރި ރަށް މުމްބާއީގައި، މީޑިއާތަކާ އެކު މި ދިޔަ ބުރާސްފަތި ދުވަހު ކުރިއަށްދިޔަ ކުޑަ ހަފުލާއެއްގައި އާމިރު ވަނީ އަމިއްލަ ދިރިއުޅުމާއި ބެހޭގޮތުންނާއި ފިލްމީ ކެރިއަރާ ބެހޭގޮތުން ވެސް ނޫސްވެރިންނާ ވާހަކަދައްކާފައެވެ.

އާމިރު ބުނީ ގޯރީއާ ބައްދަލުވީ މީގެ 25 އަހަރު ކުރިން ކަމަށާއި އޭގެ ފަހުން ދެ މީހުން އެއްގޮތަކަށް ވެސް ބައްދަލުނުވެ ތިބުމަށް ފަހު މީގެ 2 އަހަރު ކުރިން އަނެއްކާވެސް ބައްދަލުވި ކަމަށެވެ. ގޯރީއާ ގުޅިގެން އުޅާތާ މިހާރު އަހަރެއް ވެއްޖެކަމަށްވެސް އާމިރް ވަނީ މި ބައްދަލުވުމުގައި ބުނެފައެވެ.

އާމިރްގެ އައު ލޯބިވެރިޔަކީ ބެންގަލޫރުގައި ދިރިއުޅޭ ގޯރީ ސްޕްރަޓްއެވެ. ނަމަވެސް، އޭނާއާ ގުޅޭ މާ ގިނަ ވާހަކަތަކެއް އާމިރް މީޑިޔާއަކާ ހިއްސާއެއް ނުކުރެއެވެ.

ލޯބިވެރިޔާގެ ނަން ހާމަކުރީ ކީއްވޯ ބައެއް ނޫސްވެރިން ސުވާލުކުރުމުން އާމިރް ބުނީ މިހާރު އެމީހުން އުޅެނީ ކޮމިޓެޑް ރިލޭޝަންޝިޕެއްގައި ކަމަށް ވާތީ، އެ މީހުން ރަށްޓެހިވެގެން އުޅޭކަން ސިއްރުކުރަން ބޭނުން ނުވާތީ ކަމަށެވެ.

"ބައްލަވާ، އަހަރެމެން މިތިބީ ފުރިހަމައަށް ކޮމިޓްވެފައި. އަދި ދެ ފަހަރެއްގެ މަތިން އަހަރެން ކައިވެންޏެއް ކުރީމެވެ. ޕަރް އަބް 60 ސާލް ކީ އުމަރު މޭ ޝާދީ ޝަޔާދު މުޒޭ ޝޯބާ ނެހީ ދޭގީ (އުމުރުން 60 އަހަރުގައި ކައިވެނި ކުރުމަކީއަހަންނަށް ކަމުދާނެ ކަމެއް ނޫން). އެކަމަކު ބަލަ ބަލަ."އާމިރު ޚާން

ގޯރީއަކީ ފިލްމީ ދުނިޔެއާ މުޅިން ދުރުގައި އުޅޭ މީހެއްކަމުން ފިލްމު އިންޑަސްޓްރީގެ ހަލަބޮލިކަމުން އޭނާއަށް ރައްކާތެރި ހޯދައިދިނުމުގެ ބޭނުމުގައި ޕްރައިވެޓް ސެކިއުރިޓީން ވެސް ހަމަޖައްސާފައިވާނެ ކަމަށް ވަނީ ބުނެފައެވެ.

ބޮލީވުޑްގެ މިސްޓަރ ޕާރފެކްޝަނިސްޓްގެ ގޮތުގައި ފާހަގަކުރާ އާމިރު ޚާން ވަނީ މީގެ ކުރިން ދެ ކައިވެންޏެއް ކޮށްފައެވެ. ފުރަތަމަ ކައިވެންޏަށް ދެ ކުދިން ލިބިފައިވާއިރު ދެވަނަ ކައިވެންޏަށް ސަރޮގޭސީ މެދުވެރިކޮށް ފިރިހެން ކުއްޖަކު ވަނީ ލިބިފައެވެ. ކުރީގެ ދެ ކައިވެނި ރޫޅުނު ނަމަވެސް ކުރީގެ ދެ އަނބިންނާ ވެސް އާމިރު ވަރަށް ގާތް ގުޅުމެއް ބާއްވައެވެ.

އާމިރުގެ އާއިލާއިން ވެސް އެކްޓަރުގެ ކުރީގެ ދެ އަނބިންނަށް އިހްތިރާމްކުރާ ކަމަށާއި އަދިވެސް ދެކެނީ އެއީ އާއިލާގެ މެންބަރުންގެ ގޮތުގައި ކަމަށް އެކްޓަރު ވަނީ ބުނެފައެވެ.