އަހަރުގެ މިހާތަނަށް ދިވެހިރާއްޖެއަށް ޒިޔާރަތްކުރި ފަތުުރވެރިންގެ އަދަދު 780،000 އިން މައްޗަަށް އަރައިފިއެވެ.
ޓޫރިޒަމް މިނިސްޓްރީން އެންމެ ފަހުން އާންމުކުރި ތަފާސްހިސާބުތައް ދައްކާ ގޮތުން މި މަހުގެ 24 އާ ހަމައަށް ޖުމްލަ 782،889 ޓޫރިސްޓުން ވަނީ ރާއްޖެއަށް ޒިޔާރަރްކޮށްފައެވެ. މިއީ މިދިޔަ އަހަރުގެ މި މުއްދަތާ އަޅާބަލާ އިރު 15.6 ޕަސެންޓްގެ ކުރިއެރުމެކެވެ.
މި އަހަރުގެ މިހާތަނަށް ރާއްޖެ އަށް އެންމެ ގިނަ ޓޫރިސްޓުން އައިސްފައި ވަނީ ރަޝިއާއިންނެވެ. އެގޮތުން މި މަހުގެ 24 އާ ހަމައަށް އެ ގައުމުން ޖުމްލަ 91،587 ފަތުުރުވެރިން އައިސްފައިވެ އެވެ. ދެވަނައަށް އެންމެ ގިނަ ފަތުރުވެރިން ޒިޔާރްތްކުރި އިންޑިއާ އިން 89،619 ފަތުރުވެރިން އައިސްފައިވާ އިރު، ތިން ވަނައިގައި އޮތް އިނގިރޭސިވިލާތުން 71،359 ފަތުރުވެރިން އައިސްފައިވެއެވެ.
މީގެ އިތުރުން ރާއްޖޭގެ ޓޮޕް 10 މާކެޓަށް ބަލާ އިރު، ލިސްޓްގައި ދެން ހިމެނެނީ އިޓަލީ (59،593 ޓޫރިސްޓުން)، ޖަރުމަން (57،274 ޓޫރިސްޓުން)، ޗައިނާ (43،411 ޓޫރިސްޓުން)، އެމެރިކާ (32،222 ޓޫރިސްޓުން)، ފްރާންސް (28،855 ޓޫރިސްޓުން)، ސްވިޓްޒަލޭންޑް (18،962 ޓޫރިސްޓުން) އަދި ދެކުނު ކޮރެއާ (14،412 ޓޫރިސްޓުން) އެވެ.
ރާއްޖޭގެ މި އަހަރުގެ ޓާގެޓަކީ އަހަރު ނިމުމުގެ ކުރިން މިލިއަން ފަތުރުވެރިން ގެނައުމެވެ. މިދިޔަ އަހަރު 1.6 މިލިއަނަށް ވުރެ ގިނަ ފަތުރުވެރިން ވަނީ ރާއްޖެއަށް ޒިޔާރަރްކޮށްފައެވެ.
