މިއަދު އެކަނި ރާއްޖެ އަށް 10،000 އަށް ވުރެ ގިނަ ފަތުރުވެރިން ޒިޔާރާތްކުރާނެ ކަމަށް، ފަތުރުވެރިކަމާ ބެހޭ ވަޒީރު އިބްރާހިމް ފައިސަލް ވިދާޅުވެއްޖެއެވެ.
މިނިސްޓަރ މިހެން ވިދާޅުވީ މިއަދު ކުރެއްވި އެކްސް ޕޯސްޓެއްގައެވެ. މިނިސްޓަރ ވިދާޅުވީ މިއަދު 10،213 ޓޫރިސްޓުން ރާއްޖެ އަންނާނެ ކަމަށެވެ. މި އަދަދު ހަމަވުމާއި އެކު މިއަދު ވެގެންދާނީ ރާއްޖެއަށް އެންމެ ގިނަ ފަތުރުވެރިން އެއް ދުވަހެއްގައި އައި ކަމުގެ ރިކޯޑު ދުވަހަށެވެ. މި ރިކޯޑު އެންމެ ފަހުން ހުސްވި ހަފުތާގެ ތެރޭގައި 8900 އަށް ވުރެ ގިނަ ޓޫރިސްޓުންނާ އެކުއެވެ.
ކޮވިޑް-19 އަށް ފަހު ރާއްޖޭގެ ފަތުރުވެރިކަން ދަށް ވެފައި އޮތުމަށް ފަތުރުވެރިންގެ އަދަދު އިތުރުވީ ޗައިނާ އާއި ހުޅަނގު ޔޫރަޕުން އަންނަ ފަތުރުވެރިންގެ އަދަދު މި ފަހުން އިތުރުވުމާއި ގުޅިގެންނެވެ. ފަތުރުވެރިކަމުގެ މާކެޓަށް ބަލާއިރު، މިހާރު ރާއްޖެ އަށް އެންމެ ގިނަ ފަތުރުވެރިން އަންނަނީ ޗައިނާ އިންނެވެ. ދެވަނައިގައި އޮތީ އިޓަލީ އެވެ. އަދި ތިންވަނައިގައި އޮތީ ރަޝިއާ އެވެ.
މި ދުވަސްވަރަކީ އެވްރެޖުކޮށް ކޮންމެ އަހަރަކު ވެސް ރާއްޖޭގައި ޓޫރިސްޓުން
ގިނަ ދުވަހު މަޑުކުރާ މުއްދަތެވެ. އެގޮތުން މިހާރު އެވްރެޖުކޮށް ޓޫރިސްޓަކު ރާއްޖޭގައި ތިބޭ
މުއްދަތު ނުވަތަ އެވްރެޖު ސްޓޭ އުޅެނީ 8 ދުވަހުގައެވެ.
މި މަހުގެ 7 ވަނަ ދުވާހާއި ހަމައަށް ރާއްޖެއަށް 243،918 ފަތުރުވެރިން ޒިޔާރަތްކޮށްފައިވާއިރު، އެންމެގިނަ ފަތުރުވެރިން ޒިޔާރަތްކޮށްފައި ވަނީ ޗައިނާއިންނެވެ. ޖުމްލަ ފަތުރުވެރިންގެ އަދަދަށް ބަލާއިރު، މިއީ މިދިޔަ އަހަރުގެ މި މުއްދަތާއި އަޅާ ބަލާއިރު، 30،005 ފަތުރުވެރިންގެ އިތުރުވުމެކެވެ. އަދި 2022 ވަނަ އަހަރުގެ މި މުއްދަތަށް ބަލާއިރު، 80،234 ފަތުރުވެރިންގެ އިތުރުވުމެކެވެ. މި އަހަރު ރާއްޖެއަށް ދެ ބިލިއަން ފަތުރުވެރިން ގެނައުމަކީ ސަރުކާރުގެ އަމާޒެކެވެ.
