ވިނީޝިއުސް އަށް ދެ މެޗުގެ ސަސްޕެންޝަނެއް

ސްޕެނިޝް ލަލީލާގައި ވެލެންސިޔާ އަތުން މޮލުވި މެޗުގައި ދެއްކި ރަތްކާޑްގެ ސަބަބުން ވިނީޝިއުސް ޖޫނިއަރ ދެ މެޗަށް ސަސްޕެންޑް ކޮށްފިއެވެ.

ރެއާލް މެޑްރިޑްގެ ބްރެޒިލް ފޯވާޑް ދެ މެޗަށް ސަސްޕެންޑް ކުރީ އެމެޗުގައި ކުޅުމުން ބޭރުން ވެލެންސިޔާގެ ކީޕަރަށް ހަމަލާ ދިނުމުންނެވެ. ވިނީޝިއުސް ވެލެންސިޔާ ކީޕަރަށް ހަމަލާ ދިނީ އޭގެކުރިން ކީޕަރު އޭނާ ކޮއްޕާލުމުންނެވެ.

ސްޕެއިން ފެޑެރޭޝަނުން ވިނީޝިއުސް ސަސްޕެންޑް ކުރީ ލަލީގާގައި ކުރިއަށް އޮތް ދެ މެޗުންނެވެ. އެއީ ލަސް ޕަލްމާސް އާއި ވާދަކުރާ މެޗާއި ރެއާލް ވަލަޑޮލިޑްއާ ވާދަކުރާ މެޗެވެ. އެކަމަކު ސުޕަރ ކަޕް ސެމީފައިނަލްގައި މަޔޯކާއާ ވާދަކުރާ މެޗުގައި ވިނީޝިއުސް އަށް ކުޅެވޭނެއެވެ.

ރެއާލްއިން ވިނީޝިއުސްގެ ރަތްކާޑް އެޕީލް ކުރި ނަމަވެސް ބަލައި ނުގަތެވެ. ރެއާލްގެ ކޯޗު ކާލޯ އެންޗެލޮޓީ ގަބޫލުކުރަނީ އެއީ ވެލެންސިޔާގެ ކީޕަރާއި ވިނީޝިއުސްއަށް ވެސް ރީނދޫ ކާޑް ދެއްކުމަށްފަހު ނިންމާލަން ޖެހޭނެ ހާލަތެއް ކަމަށެވެ.