މާލޭގައި ހިންގާ ގެސްޓްހައުސްއެއްގެ ތެރެއިން އަނިޔާވެފައި އޮތް ދިވެހި ފިރިހެނަކު ފެނިއްޖެއެވެ.
އަދި ފުލުހުން ގޮސް އޭނާ އުޅޭ ކަމަށް ބުނާ ކޮޓަރިއަށް ވަދެ ބެލިއިރު ޒަހަމްތަކާއެކު އޮއްވާ އެ މީހާ ފެނިފައިވާ ކަމަށް ބުނެފައިވެއެވެ.
އެއީ އުމުރުން 27 އަހަރުގެ ދިވެހި ފިރިހެނެކެވެ.
އަދި އެ މީހާ މިހާރު ވަނީ ސަރުކާރުގެ މައި ހޮސްޕިޓަލް - އައިޖީއެމްއެޗްއަށް ގެންގޮސްފައެވެ.
ސީންގައި ފުުލުހުން ހަރަކާތްތެރިވަމުން އަންނައިރު އަނިޔާވެފައި އޮއްވާ ފެނުނު މީހާގެ ހާލަތެއް އައިޖީއެމްއެޗްގެ ބަހެއް ނުލިބޭތީ އަދި ސާފެއް ނޫނެވެ.
ޢޭނާގެ ހާލު ސީރިއަސް ކަމަށް ބައެއް މީޑިއާ ރިޕޯޓުތައް ބުނެއެވެ.
އެ ހޮސްޕިޓަލާ ހަވާލާދީ ފުލުހުންގެ ޚިދުމަތުންވެސް ބުނެފައިވަނީ އެ މީހާއަށް ފަރުވާދެމުން ދަނީ އައިސީޔޫގައި ކަމަށެވެ.