ލައިޕްޒިގް އިން ޖަރުމަން ކަޕް ކާމިޔާބު ކޮށްފި

އެއިންޓްރެކްޓް ފްރޭންކްފާޓް 2-0 ގެ ނަތީޖާއަކުން ބަލިކޮށް ލައިފްޒިގްއިން ޖަރުމަނު ކަޕް ރޭ ކާމިޔާބުކޮށްފިއެވެ. މި ދެޓީމު ބައްދަލުކުރި މެޗުގެ ފުރަތަމަ ހާފުގައި ލައިޕްޒިގުން މޮޅަށް ކުޅެ ލަނޑު ޖަލާނެ ފުރުސަތު ތަނަވަސް ކުރިއެވެ. ނަމަވެސް ދެ ޓީމުން ކުރެ އެއްޓީމަކަށްވެސް ފުރަތަމަ ހާފުގައި ލަނޑެއް ކާމިޔާބު ކުރެވޭ ގޮތެއްނުވިއެވެ.

މި މެޗްގެ ފުރަތަމަ ލަނޑު ޖަހާފައިވަނީ ދެވަނަ ހާފްގެ 71 ވަނަ މިނެޓްގައެވެ. މި ލަނޑު އެޓީމަށް ކާމިޔާބު ކޮށްދީފައިވަނީ ކްރިސްޓޮފަރ އެންކުންކޫއެވެ. މިއީ މިސީޒަންގައި އޭނާ ޓީމަށް ޖަހައިދިން 23 ވަނަ ލަނޑެވެ.

މެޗްގެ ދެނަވަ ލަނޑުވެސް ކާމިޔާބޮ ކޮށްފައިވަނީ ދެވަނަ ހާފުގައެވެ. މިގޮތުން މެޗްގެ 85 ވަނަ މިނެޓްގައި އެންކުންކޫ ތަނަވަސްކޮށްދިން ފުރުސަތެއްގެ ބޭނުން ހިފައި ޑޮމިނިކް ޒޮބޯޒްލާއި ވަނީ އެ ޓީމްގެ ދެވަނަ ލަނޑު ކާމިޔާބުކޮށްދީފައެވެ.

މިދިޔަ އަހަރުގެ މުބާރާތްވެސް ކާމިޔާބު ކުރީ ލައިޕްޒިގުންނެވެ. މިއީ އެޓީމުން ޖެހިޖެހިގެން މި މުބާރާތް ކާމިޔާބު ކުރި 2 ވަނަ ފަހަރެވެ.