ސަލްޓަންޕާކް މަރާމާތު ކުރުމުގެ މަސައްކަތް ހިނގާ ވަގުތުތަކުގައި ބަންދުވާނެ: ހައުސިންގ މިނިސްޓްރީ

ސަލްޓަންޕާކް މަރާމާތު ކުރުމުގެ މަސައްކަތް ހިނގާ ވަގުތުތަކުގައި ބަންދުވާނެ ކަމަށް ހައުސިންގ މިނިސްޓްރީ އިން ބުނެފިއެވެ.

ސަލްޓަން ޕާކު މަރާމާތު ކުރުމާއި ބެހޭގޮތުން ކުރި އިއުލާނެއްގައި ބުނީ އެތަނުގެ މަރާމާތުގެ މަސައްކަތްތައް ކުރިއަށްދާތީ އެވަގުތުތަކުގައި ޕާކު ވަގުތީ ގޮތުން ބަންދުވާނެ ކަމަށެވެ.

މިއަދުން ފެށިގެން ކޮންމެ ދުވަހެއްގެ އިރުއޮއްސި 18:00 އިން ފެށިގެން ސަލްޓަން ޕާކް މަރާމާތުކުރުމުގެ މަސައްކަތް ކުރުމަށް ހަމަޖެހިފައިވާ ކަމަށްވެސް އިއުލާނުގައި ބުނެފައިވެއެވެ.

ޒަމާންތަކެއް ވަންދެން މަރާމާތު ނުކޮށް އޮތް ސަލްޓަން ޕާކު މިސަރުކާރުން އަލުން މަރާމާތުކުރުމަށް ފަހު އާއްމުންނަށް ހުޅުވާލީ މިދިޔަ އަހަރުގެ ކުޑައީދު ދުވަހުއެވެ.