ޑެންގޫ ޖެހިގެން ނިޔާވި ބިދޭސީއަކާ ހަވާލުވާނެ މީހަކު ނެތިގެން މާލެ ގެންނަނީ

ޑެންގޫ ޖެހިގެން ނިޔާވި ބިދޭސީއަކާއި ހަވާލުވާނެ އެއްވެސް މީހަކު ނެތިގެން އެމީހާ މާލެ ފުރުވާލައިފިއެވެ.

އުމުރުން 34 އަހަރުގެ އެ ބިދޭސީ މީހާއަކީ ފިލައިގެން އުޅުނު މީހެއް ކަމަށް މައުލޫމާތު ލިބިފައިވެއެވެ.

ރ.މީދޫން އެ އަތޮޅު އުނގޫފާރަށް، އިތުރު ފަރުވާ ދިނުމަށް ގެންދިޔަ މި ބިދޭސީ މީހާ ނިޔާވެފައިވަނީ ޑެންގޫ ބަލީގައިކަމަށް އެ ހޮސްޕިޓަލުން މައުލޫމާތު ދެއެވެ.

"އަސްލު" ނޫހަށް މައުލޫމާތު ދެމުން އުނގޫފާރު ހޮސްޕިޓަލްގެ އިސް އޮފިޝަލަކު ވިދާޅުވީ، އެމީހާ އުނގޫފާރަށް ގެނައީ އޭނާގެ ރައްޓެހި ބައެއް ކަމަށާއި، އެ މީހާ ރާއްޖެ ގެނައި ފަރާތުން އެ މީހާ ގެއްލިގެން އިމިގްރޭޝަނަށް މީގެ ދުވަސްތަކެއް ކުރިން ރިޕޯޓްކޮށްފައިވާ ކަމަށެވެ.