ޕީސީ އާރ ޓެސްޓުންވެސް ދެނެނުގަނެވޭ، ކޮވިޑްގެ އައު ވޭރިއަންޓެއް ފެތުރެން ފަށައިފިއެވެ.

މި ފަހުގެ ތާރީޚެއްގައި ދުނިޔެދުށް އެންމެ ބޮޑު ޢާލަމީ ރޯގާ، ކޮވިޑް-19 ގެ ނުރައްކާ ކޮންމެވެސް މިންވަރަކަށް ކުޑަވެފައި އޮތުމަށްފަހު މި ބަލީގެ އައު ވޭރިއަންޓެއް ފެތުރެންފަށައިފިކަމަށް ރިޕޯޓުތައް ނުވެފިއެވެ.

މިގޮތުން ކޮވިޑް-19 ޖެހިފައި ހުރިތޯ ދެނެގަތުމަށް ހަދަމުން އަންނަ ޕީސީއާރު ޓެސްޓަށްވެސް ނުދައްކަ ކޮވިޑުގެ އާ ވައްތަރެއް (ވޭރިއެންޓް)، އޮމިކްރޮން ބީއެފް 7 މިހާރުދަނީ ޗައިނާގައި ހަލުވިކަމާއެކު ފެތުރެމުންނެވެ. އަދި ހަމަ އެއާއު އަވަށްޓެރި އިންޑިޔާއިންވެސް މި ބަލީގެ ވޭދަނަތަކެއް ފެނިފައިވާކަން ފާހަގަކޮށްލެވެއެވެ. މީގެ އިތުރުން ޖަރުމަނުވިލާތް، ބެލްޖިއަމް، ފްރާންސް، ޑެންމާކު، އެމެރިކާގެ އަދި އިނގިރޭސިވިލާތުން ވަނީ ކޮވިޑްގެ މިވޭރިއެންޓް ފެނިފައެވެ.

ބަލީގެ ޢަލާމާތްތަކުގެ ގޮތުގައި މިހާތަނަށް ދެނެގަނެވި ފައިވަނީ ނޭވާ ހާސްވުމާއެކު ގަދަޔަށް ކެއްސުން އަދި ހުންއައުން ހިމެނޭ ކަމަށް ސިއްޚީ މާހިރުން މައުލޫމާތު ދެއެވެ. މީގެ އިތުރުން ވެސް ކަރުގައި ރިއްސުން، ނޭފަތުން ފެންފޭބުން، ނޭވާ ކުރުވުން، ވަރުދެރަވުން، ބޮލުގައި ރިއްސުން، އަދި މޭނުބައިކުރުމާއި ބޭރަށް ހިނގުން ހިމެނެއެވެ. އާންމު ގޮތެއްގައި ކޮވިޑު ޖެހުމުން ކެއްސާނީ ހިކި ކެއްސުމެއް ކަމުގައާއި، ފުރަތަމަ އެހާ ބޮޑުވަރު ނުވިޔަސް ކޮވިޑުގެ ކެއްސުން ހަފްތާ ނޫނީ ދެހަފްތާ ވާއިރު ގޯސްވާ ކަމަށާއި، އަދި މީގެ ސަބަބުން މޭގަނޑު ފިތޭ ގޮތްވުމާއި ނޭވާލާން އުނދަގޫވުން ފަދަ ކަންތައްތައް ދިމާވާކަމަށް ދިރާސާތަކުން ދައްކައެވެ.

ބައްޔަށް ފައްސިވާ މީހުން ހާލުދެރަވެ އެޑްމިޓް ކޮށްގެން ފަރުވާދޭންޖެހޭ ކަމަށާއި ކުރިއަށް އޮތް މަސްތަކުގައި ޗައިނާއިން މިބަލީގައި ގިނަ އަދަދަކަށް މީހުން މަރުވާނޭ ކަމަށް ސިއްހީ މާހިރުން ވަނީ ލަފާކޮށްފައެވެ.

އިންޑިއާގެ ދެ ސްޓޭޓު ކަމަށްވާ ގުޖްރާތު އަދި އޮޑިސާއިން ވެސް ވަނީ އާ ވޭރިއަންޓުގެ 4 ވޭދަނަ ރިޕޯޓު ކޮށްފައެވެ. އެހެންކަމުން އިންޑިއާ އިން ވަނީ ރައްކާތެރި ކަމުގެ ގޮތުން ގިނަ ފިޔަވަޅުތަކެއްވެސް އަޅަން ފަށާފައެވެ.

މިވޭރިއަންޓުގެ ނުރައްކާ ބޮޑީ ކޮވިޑްއިން ދިފާއުވުމުގެ ގޮތުން ޖަހާ ވެކްސިން ފުރިހަމަނުކޮށް ތިބޭ މީހުންނަށާއި ދިފާއީ ނިޒާމު ބަލިކަށި މީހުންނަށެވެ. އޭގެތެރޭގައި ވެކްސިން ނުޖެހޭ އުމުރުގެ ކުޑަކުދިންނާއި، އުމުރުން ދުވަސްވެފައިވާ މީހުންނާއި، މާބަނޑު އަންހެނުން އަދި ބޮޑެތި ބަލިތަކަށް ބޭސްކުރާ މީހުން ހިމެނެއެވެ.