22 އަހަރަށް ފަހު މާލެ އައި އިއްސެ އެކްސިޑެންޓްވެ ނިޔާވެއްޖެ

ސިނަމާލެ ބުރިޖުގައި އެކްސިޑެންޓެއް ހިބގާ ވިޔަފާރިވެރިޔަކު ނިޔާވެއްޖެއެވެ.

ނިޔާވެފައި ވަނީ, 22 އަހަރު ތައިލޭންޑުގައި ދިރިއުޅުމަށްފަހު، މިދިޔަ މަހުގެ 10 ވަނަ ދުވަހު މާލެ އައި ވިޔަފާރީވެރިޔާ އިސްމާއިލް މޫސާ (ޖަމްބޯ އިއްސެ)ކަން ‘އަސްލު’ ނޫހަށް ވަނީ ކަށަވަރުވެފައެވެ.

ފުލުހުން ބުނީ، ބުރިޖު ޓްރެފިކް ލައިޓް ކައިރީގައި ކާރަކާއި ސައިކަލެއް ޖެހި އެކްސިޑެންޓެއް ހިނގާފައިވާ ކަމަށް މިއަދު 14:30 ހާއިރު ފުލުހުންނަށް ރިޕޯޓްކުރި ކަމަށެވެ. އަދި މި އެކްސިޑެންޓުގައި އަނިޔާވި މީހަކު ޓްރީ ޓޮޕް ހޮސްޕިޓަލަށް ގެންދިޔަ ކަމަށާއި، އެ މީހާ ނިޔާވެފައިވާ ކަމަށް ހޮސްޕިޓަލުން މައުލޫމާތުދޭ ކަމަށްވެސް ފުލުހުން ބުނެއެވެ.

ފުލުހުން ބުނީ، ނިޔާވެފައި ވަނީ 54 އަހަރު ދިވެހި ފިރިހެނެއް ކަމަށެވެ.