ރައީސް ޑރ. މުއިއްޒު ހައްޖު ދުވަހުގެ ހެޔޮ އެދުންތައް ފޮނުއްވަައިފި

ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ބަރަކާތްތެރި ޙައްޖު ދުވަހުގެ ހެޔޮއެދުންތައް ދިވެހި ރައްޔިތުންނަށާއި އިސްލާމީ އުންމަތަށް ފޮނުއްވައިފިއެވެ.

މީސް މީޑިއާގެ މަންސައެއް ކަމަށްވާ އެކްސް މެދުވެރިކުރައްވައި، ރައީސް ރޭ ކުރެއްވި ޕޯސްޓެއްގައި ވިދާޅުވީ ޙައްޖުދުވަހަކީ އަހަރުގެ އެންމެ ބަރަކާތްތެރި އެއް ދުވަސް ކަމަށެވެ.

"ﷲގެ ރުއްސެވުމާ، ފުއްސެވުމާ، މަދަދުން ފުރިގެންވާ މި ދުވަހުގެ ބާއްޖަވެރިކަން ދިވެހި ލޮބުވެތި ރައްޔިތުންނާއި މުޅި އިސްލާމީ އުންމަތަށް މިންވަރުކުރައްވާށިއެވެ،". ރައީސް ވިދާޅުވިއެވެ.

ރާއްޖެއިން މިއަހަރު ހައްޖަށް 1،150 ފަރާތަކުން ދިޔައެވެ. މީގެ ތެރެެއިން 50 ފަރާތަކީ ހައްޖަށް ދެވޭނެ ފޯރުންތެރިކަން ލިބިފައިނުވާ 1000 ދިވެހި ރައްޔިތުން، ރިޔާސީ މި ދައުރުގައި ސަރުކާރުގެ ހަރަދުގައި ޙައްޖަށް ފޮނުއްވުމަށް ރައީސް ވެވަޑައިގެންނެވި ވައުދުފުޅުގެ ދަށުން ހައްޖަށް ދިޔަ މީހުންނެވެ.