ސަރުކާރު ހިއްސާވާ ތިން ކުންފުންޏެއްގެ ބޯޑަށް ޑިރެކްޓަރުން އައްޔަނުކޮށްފި

ސަރުކާރު ހިއްސާވާ ތިން ކުންފުންޏެއްގެ ބޯޑަށް ޑިރެކްޓަރުން އައްޔަނުކޮށްފިއެވެ.

ޕީސީބީ އިން ވަނީ ސަރުކާރު ހިއްސާވާ ކުންފުނިތަކުގެ ޑިރެކްޓަރުންގެ މަގާމަށް އައްޔަނުކުރި ފަރާތްތަކުގެ ނަންތައް ހާމަކޮށްފައެވެ.

މިފްކޯގެ ޑިރެކްޓަރުންގެ ބޯޑަށް އައްޔަނުކުރީ ސ.ފޭދޫ، އާާބާދީގެ، ގާޒިޔާ ފަތުހީއެވެ.

ގާޒިޔާ އަކީ މިހާރުވެސް ފިނޭންސް މިނިސްޓްރީގެ ޑެޓް މެނޭޖްމަންޓް ޑިޕާޓްމަންޓްގެ ޑެޕިއުޓީ ޑިރެކްޓަރ ޖެނެރަލްއެވެ.

މޯލްޑިވްސް ފަންޑް މެނޭޖްމަންޓް ކޯޕަރޭޝަން ލިމިޓެޑްގެ ޑިރެކްޓަރުންގެ ބޯޑުގެ މެމްބަރުކަމުގެ މަގާމަށް، ހއ.ތަކަންދޫ، ރަތްވިލާގެ، ,ހުސައިން އަބްދުލް ވާހިދު ވެސް ވަނީ އައްޔަނުކޮށްފައެވެ.

ވާހިދުއަކީ މިހާރު ވެސް ފިނޭންސް މިނިސްޓްރީގެ ޓްރެޝަރީ އެންޑް ޕަބްލިކް އެކައުންޓްސް ޑިޕާޓްމަންޓްގައި އެކައުންޓެންޓްގެ މަގާމު ފުރުއްވަމުން ގެންދަވާ ބޭފުޅެކެވެ.

ބިޒްނަސް ސެންޓަރ ކޯޕަރޭޝަން ލިމިޓެޑްގެ ޑިރެކްޓަރުންގެ ބޯޑުގެ މެމްބަރުކަމުގެ މަގާމަށް، ސ.ހިތަދޫ، މީނާޒް، އީނާސް ނަސީރު ވެސް ވަނީ އައްޔަނުކޮށްފައެވެ.