ހިންމަފުށީގައި މާރާމާރީ ހިންގި މީހުން ރާއްޖެ ނާދެވޭ ގޮތަށް ފުރުވާލަން އަންގައިފި

ކ. ހިންމަފުށީގައި މާރާމާރީ ހިންގި މިސްރުގެ ދެ ފިރިހެނުން ރާއްޖެއިން ފުރުވާލުމަށްފަހު، އަލުން އަނބުރާ ރާއްޖެ ނާދެވޭ ގޮތަށް ބްލެކްލިސްޓް ކުރުމަށް ދިވެހި ފުލުހުންގެ ހިދުމަތުން މޯލްޑިވްސް އިމިގްރޭޝަނަށް އަންގައިފިއެވެ.

މި ހާދިސާ ހިނގާފައިވަނީ މިދިޔަ ޖުލައި މަހުގެ 19 ވަނަ ދުވަހުގެ ރޭ 19:24 ހާއިރުއެވެ. މި މައްސަލައިގެ ތުހުމަތުގައި ފުލުހުންގެ ބެލުމުގެ ދަށަށް ގެނައި ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ކޯޓުން ވަނީ އެ މީހުން ދެ ދުވަހުގެ މުއްދަތަށް ބަންދުކުރުމަށް އަމުރުކޮށްފައެވެ.

ފުލުހުން އިތުރަށް ހާމަކޮށްފައިވާ ގޮތުގައި، މި މައްސަލައާ ގުޅިގެން ސުވާލުކުރަންޖެހޭ ފަރާތްތަކާ ސުވާލުކޮށް، ބަލަންޖެހޭ ކަންކަން ބަލައި ތަހުގީގު ވަނީ ފުރިހަމަކޮށްފައެވެ.