
ަލަަންކާއަށް ކުރަމުންދާ ވިއްސާރަ: 18،000 އަށް ވުރެ ގިނަ މީހުން ވަގުތީ ހިޔާތަކަށް

އައިޝަތު އިނާޝާ - 29 ނޮވެމްބަރު 2025 - 13:29
ބާރުގަދަ ތޫފާނެއް ކަމުގައިވާ ދިތުވާއާ ގުޅިގެން ސްރީ ލަންކާއަށް ކުރަމުންދާ ވިއްސާރައިގައި ފެންބޮޑުވުމުގެ ސަބަބުން 3،000 އަށް ވުރެ ގިނަ ގެތަކަށް ގެއްލުން ލިބި، 18،000 އަށް ވުރެ ގިނަ މީހުން ވަނީ ވަގުތީ ހިޔާތަކަށް ބަދަލުކޮށްފިއެވެ.
ކުރިއަށް އޮތް 12ވަރަކަށް ގަޑިއިރުގެ ތެރޭގައި ވެސް ސްރީ ލަންކާގެ އުތުރުގެ ސަރަޙައްދުތަކަށް ބޯކޮށް ވާރޭވެހޭނެ ކަމުގައި މޫސުމާ ބެހޭ އިދާރާތަކުން ލަފާ ކޮށްފައިވާއިރު، ތޫފާނާގެ ސަބަބުން އެކި ސަރަޙައްދުތަކުގައި ފެންބޮޑުވުމާ ގުޅިގެން މަރުވި މީހުންގެ އަދަދު ވަނީ 69ށް އުފުލިފައެވެ.
ފެންބޮޑުވުމުގެ ސަބަބުން ތާށިވެފައި ތިބި އެތައް ސަތޭކަ ބަޔަކު ސަލާމަތް ކުރުމަށް ލަންކާ ސިފައިން ހަރަކާތްތެރިވަމުންދާއިރު، އެގައުމުގެ ޑިޒާސްޓާ މެނޭޖްމަންޓް ސެންޓަރު (ޑީއެމްސީ) އިން ބުނީ ކިސަޑު ކަނޑައިގެން ދިއުމުގެ ހާދިސާގައި މަރުވި މީހުންގެ އަދަދު އިތުރުވެފައިވާނެ ކަމަށެވެ.
ޑީއެމްސީން ބުނީ މިދިޔަ 24 ގަޑިއިރުގެ ތެރޭގައި އެރަށުގެ ބައެއް ރަށްތަކަށް 360 މިލިމީޓަރު ވާރޭ ވެހިފައިވާ ކަމަށެވެ. އެގޮތުން ފެންބޮޑުވުމުގެ ސަބަބުން 3،000 އަށް ވުރެ ގިނަ ގެތަކަށް ގެއްލުން ލިބި، 18،000 އަށް ވުރެ ގިނަ މީހުން ވަނީ ވަގުތީ ހިޔާތަކަށް ބަދަލުކޮށްފަ އެވެ.
މޫސުން އިތުރަށް ގޯސްވާނެ ކަމަށް މޫސުމާ ބެހޭ އިދާރާތަކުން ލަފާކުރުމާ އެކު، ސްރީ ލަންކާގެ ސަރުކާރުން ވަނީ ސަރުކާރު އޮފީސްތަކާއި މަދަރުސާތައް ބަންދު ކޮށްފައެވެ. އަދި، ރޭލު ދަތުރުފަތުރުގެ ޚިދުމަތް މެދުކަނޑައިލާފައިވާއިރު ހިއްސާގެ ބާޒާރު ވެސް ވަނީ ބަންދު ކޮށްފައެވެ. ވައި ބާރުވުމާ ގުޅިގެން ވެރިރަށް ކޮލަމްބޯގެ މައި ބަންޑާރަނަޔަކަ ވައިގެ ބަނދަރަށް ދަތުރު ކުރަމުން ދިޔަ ގިނަ އަދަދެއްގެ މަތިންދާބޯޓު ވެސް ޑައިވަރޓު ކުރަން ޖެހުނެވެ.
ސްރީ ލަންކާގައި ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދިނުމަށް ބޭރު ޤައުމުތަކާއި ބައިނަލްއަޤްވާމީ ޖަމުޢިއްޔާތަކުން ދަނީ މަސައްކަތް ކުރަމުންނެވެ. ހާލުގައި ޖެހި، ގެދޮރުގައި ތާށިވެފައިވާ މީހުން ސަލާމަތް ކުރުމަށް 20,000އެއްހާ ސިފައިންނާއި ފުލުހުން ހަރަކާތްތެރިވަމުންދާ ކަމުގައި ސްރީ ލަންކާގެ އިދާރާތަކުން ވަނީ ބުނެފައެވެ.
ގުޅުން ހުރި ޙަބަރުތައް

6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
3 އަހަރު ކުރިން

ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
3 އަހަރު ކުރިން

އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
3 އަހަރު ކުރިން

ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
3 އަހަރު ކުރިން


