މިހާތަނަށް 1.2 މިލިއަނަށްވުރެ ގިނަ ފަތުރުވެރިން ރާއްޖެ އަތުވެއްޖެ

މިހާތަނަށް 1.2 މިލިއަނަށްވުރެ ގިނަ ފަތުރުވެރިން ރާއްޖެ އަތުވެއްޖެއެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މި މަހުގެ 29 ވަނަ ދުވަހުގެ ގެ ނިޔަލަށް މިހާތަނަށް ރާއްޖެ އައި ފަތުރުވެރިންގެ އަދަދު ވަނީ 1.28 މިލިއަނަށް އަރައިފައެވެ.

ތަފާސްހިސާބުތައް ދައްކާގޮތުން މި މަހުގެ އެކަކުން 29 އަށް 174،189 ( އެއްލައްކަ ހަތްދިހަ ހަތަރުހާސް ސަތޭކަ އަށްޑިހަ ނުވައެއް) ފަތުރުވެރިން އައި އިރު، މިއީ މިދިޔަ އަހަރުގެ މި މުއްދަތާ އަޅާކިޔާއިރު، ބޮޑު ކުރިއެރުމެކެވެ. މިދިޔަ އަހަރުގެ މި މުއްދަތުގައި ރާއްޖެ އައީ 156،341 (އެއްލައްކަ ފަންސާސް ހަ ހާސް ތިންސަތޭކަ ސާޅީސް އެކެއް) ފަތުރުވެރިންނެވެ.

ތަފާސްހިސާބުތަކުން ދައްކާ ގޮތުގައި ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރާ ލިސްޓްގެ އެއްވަނައިގައި އޮތީ 186،546 (އެއްލައްކަ އަށްޑިހަ ހަހާސް ފައްސަތޭކަ ސާޅީސް ހައެއް ) ފަތުރުވެރިންނާއިއެކު ޗައިނާއެވެ. ދެވަނައިގައި އޮތީ ރަޝިޔާއެވެ. އެ ގައުމުން 151،468 (އެއްލައްކަ ފަންސާސް އެއް ހާސް ހަތަރުސަތޭކަ ފަސްދޮޅަސް އަށެއް) ފަތުރުވެރިން އައިސްފައިވެއެވެ.

އިނގިރޭސިވިލާތް ލިސްޓުގެ ތިން ވަނައިގައި 120،309 (އެއްލައްކަ ވިހި ހާސް ތިންސަތޭކަ ނުވައެއް) ފަތުރުވެރިނާއެކު އޮތްއިރު، ހަތަރުވަނައިގައި އޮތް އިޓަލީން ރާއްޖެއަށް ޒިޔާރަތްކޮށްފައިވަނީ 92،835 ( ނުވަދިހަ ދެހާސް އަށްސަތޭކަ ތިރީސް ފަހެއް) ފަތުރުވެރިންނެވެ.

ރާއްޖޭގައި މިހާރު 175 ރިސޯޓު ހިންގަމުންދާއިރު، 16 ހޮޓެލަކާއި، 886 ފަތުރުވެހިގެ އިތުރުން، 159 ސަފާރީ އުޅަނދު ވެސް ދަނީ އޮޕަރޭޓު ކުރަމުންނެވެ.

މި އަހަރު ސަރުކާރުުގެ އަމާޒަކީ ރާއްޖެއަށް 2.3 މިލިއަން ފަތުރުވެރިން ގެނައުމެވެ.