ޣައްޒާގެ އުތުރުގައި ގަތުލުއާންމު ހިންގަން ވަދެގެން އުޅުނު އުދުވާނީ އިސްރާއީލު ސިފައިންގެ 4 މީހުން މަރާލައިފިއެވެ.
ދުޝްމަން ސިފައިންގެ 4 މީހުން މަރާލާފައިވަނީ ހަމާސްގެ މުޖާހިދުން ދިން ހަމަލާތަކެއްގައެވެ.
ސިފައިން މަރުވިކަން އިސްރާއީލު އަސްކަރިއްޔާއިންވެސް ވަނީ ކަށަވަރު ކޮށްދީފައެވެ.
ޣައްޒާގެ އުތުރަށް އެއްގަމުމަގުން އަރައިގެން އުޅޭ އިސްތިއުމާރީ އިސްރާއީލު ސިފައިންނަށް، ހަމާސްއާއި، އިސްލާމިކް ޖިހާދު ޖަމާއަތުން ގެންދަނީ ކެނޑިނޭޅި ހަމަލާތައްދީ، އެމީހުންގެ އުދުވާނުތަކަށް ހުރަސްއަޅަމުންނެވެ.
އެގޮތުން، ވޭތުވެދިޔަ 48 ގަޑިއިރުގެ ތެރޭގައި ދުޝްމަން ސިފައިންނާ ދެކޮޅަށް ހިންގި އެތައް އޮޕަރޭޝަނެއްގެ ތެރޭގައި ކުއްލި ހަމަލާދީ އެތައްބަޔަކު މަރައި، ޓޭންކްތައް ގޮއްވައި، ސިފައިން އުފުލާ ވެހިކަލްތަކަށް ހަމަލާދީ ބޮޑެތި ގެއްލުންތައް ދީފައި ވެއެވެ.
މުޖާހިދުންގެ ހަމަލާތަކުގައި މަރުވާ ސިފައިންގެ އަސްލު އަދަދުތަކާއި، ލިބޭ ގެއްލުންތައް އިސްރާއީލުން ގެންދަނީ ސިއްރު ކުރަމުންނެވެ. ދޭތެރެއަކުން ސިފައިންގެ މީހަކު މަރުވާކަން ހާމަކުރަނީ އިސްރާއީލުގެ އާންމުންނަށް އޮޅުވާލުމަށެވެ.
އިސްތިއުމާރީ އިސްރާއީލުންވަނީ ޣައްޒާގެ މުޅި އުތުރު ކަހަލަގޮތަކަށް ބޮންއަޅައި ސުންނާފަތި ކޮށްލާފައެވެ.
ސުންނާފަތިކޮށްލާފައިވާ އިމާރާތްތައް ހުރި ސަރަހައްދުތަކަކީ، އެއްގަމުން އަރައިގެންއުޅޭ ދުޝްމަނުންނަށް ފިލާތިބެ ގެރިއްލާ ހަމަލާތައް ދިނުމަށް މުޖާހިދުންނަށް ލިބިފައިވާ ރަނުގެ ފުރުސަތެއް ކަމަށް ވެއެވެ. މުޖާހިދުން ގެންދަނީ އެ ފުރުސަތުގެ ބޭނުންވެސް ކުރަމުންނެވެ.
