ސްޕެއިންގެ ރޯވި އަލިފާނުގެ ތެރެއިން ސަލާމަތްވާން އުޅުމުގެ ތެރޭގައި 12 މީހުން މަރުވެއްޖެ!

ސްޕެއިންގެ ރޯވި އަލިފާނުގެ ތެރެއިން ސަލާމަތްވާން އުޅުމުގެ ތެރޭގައި 12 މީހުން މަރުވެއްޖެ ކަމަށް މީޑިޔާ ރިޕޯރޓްތައް ބުނެފި އެވެ.

ސްޕެއިންގެ ދެކުނުގައި ރޯވި ބޮޑު އަލިފާނގަޑަކުން ސަލާމަތްވާން އުޅުމުގެ ތެރޭގައި މަދުވެގެން 12 މީހުން މަރުވެ، 23 މީހުން ގެއްލިފައިވާ ކަމަށް އޮފިޝަލުން ވަނީ ހާމަކޮށްފަ އެވެ.

މިއީ އެ ގައުމުގެ ތާރީޚުގައިވެސް ހިނގި އެންމެ ނުރައްކާތެރި އެއް އަލިފާނުގެ ހާދިސާއަށް ވާއިރު، ފަޔަރު ފައިޓަރުން ދަނީ އަލިފާންގަނޑު ކޮންޓްރޯލް ކުރުމަށް މަސައްކަތް ކުރަމުންނެވެ.

އަންދަލޫސިއާ ސަރަހައްދުގެ އިމަޖެންސީގެ ވެރިޔާ އެންޓޯނިއޯ ސާންޒް ވިދާޅުވި ގޮތުގައި، މަރުވި މީހުންގެ ތެރޭގައި ހިމެނެނީ ސްޕެއިންގެ އެކަކެވެ.

ބާކީ ތިބި މީހުންނަކީ ތިބި ތަނުން ނުގުޑައި ހިމާޔަތް ހޯދުމަށް ދިން އިރުޝާދުތަކަށް ނުބަލައި، އަލްމޭރިއާ ޕްރޮވިންސްގެ ލޮސް ގަޔާރޑޮސް އަވަށުގެ ވަށައިގެންވާ ޖަންގަލީ ސަރަހައްދުގައި ހަލުވިކަމާއެކު އަލިފާން ފެތުރެމުން ދަނިކޮށް، ކާރުތަކުގައި ފިލަން އުޅުނު ބޭރު ގައުމުތަކުގެ މީހުންނެވެ.