ލުބުނާނުގައި ތިބިއީރާނުގެ އޮފިޝަލުންނަށްދޭ އިންޒާރު ކުއްވެރިކޮށްފި

ލުބުނާނުގައި މި ވަގުތު ތިބި އީރާން ސަރުކާރުގެ އޮފިޝަލުންނާއި މަންދޫބުންނަށް ޙަމަލާދޭނެ ކަމުގައި ބުނެ ޔަހޫދީން ދެމުންދާ އިންޒާރުތަކަކީ ޣައިރުޤާނޫނީ ކުށެއްގެ ގޮތުގައި ސިފަކޮށް، އިންސާނީ ޙައްޤުތަކަށް ވަކާލާތުކުރާ ބައިނަލްއަޤުވާމީ ޖަމުޢިއްޔާ، ހިޔުމަން ރައިޓްސް ވޮޗް (އެޗްއާރްޑަބްލިޔު)ން އެ ކަން ކުށްވެރި ކޮށްފިއެވެ.

މެދުއިރުމަތީގެ ހަމަނުޖެހުންތަކަށް މަގުފަހިވެ ސުލްހައިގެ ވާހަކަތައް މެދުކެނޑުމަށްފަހު ހަނގުރާމަ ފަށާފައިވަނީ މިދިޔަ މަހުގެ 28 ވަނަ ދުވަހުގަ އެވެ. އެދުވަހުން ފެށިގެން އަދި މިހާތަނަށް އީރާނަކުން ވެސް އަދި އެމެރިކާ އާއި ޔަހޫދީންނެއްވެސް ހަނގުރާމަ ހުއްޓާލުމުގެ އެއްެވްސް ވިސްނުމެއް ނެތެވެ.

ޔަހޫދީން ވަނީ، ލުބްނާނުން ފޭބުމަށް އެ ޤައުމުގައި ތިބި އީރާން ސަރުކާރުގެ ހުރިހާ މަންދޫބުން އަންގާފައެވެ.

އަދި، އެ ކަމަށް 24 ގަޑިއިރުގެ މުހުލަތެއްދީ، އެ ގޮތަށް އަމަލު ނުކޮށްފިނަމަ، ޙަމަލާދޭނެ ކަމުގެ އިންޒާރު ދީފައެވެ.

ޔަހޫދީންނާއި އެމެރިކާއިން އިސްވެ، އީރާނާ ދެކޮޅަށް ހަނގުރާމަ ފަށާފައި ވަނީ ފެބުރުވަރީ 28ވަނަ ދުވަހުއެވެ. އަދި، ޔަހޫދީން ލުބްނާނަށް ބޮންއަޅަން ފަށާފައި ވަނީ، އީރާންގެ ދިފާޢުގައި ލުބްނާންގެ މުޖާހިދުންގެ ޖަމާޢަތް، ޙިޒްބުاللهން ތެދުވުމާ ގުޅިގެންނެވެ.

އީރާން ހަނގުރާމައާ ގުޅުވައި ޔަހޫދީ ފައުޖުން ލުބްނާންގެ ޢާންމުން ދިރިއުޅޭ ރަށްތަކަށް ދޭން ފެށި ޙަމަލާތަކުގައި ޝަހީދު ކޮށްލާފައިވާ މީހުންގެ އަދަދު ވަނީ 50އަށް އުފުލިފައެވެ. އަދި، 335 އިތުރު މީހަކު ވަނީ ޒަޚަމު ކޮށްލާފައެވެ.

މީގެ އިތުރުން، ލުބުނާނުގެ ދެކުނުގެ 16 އަވަށެއްގެ ރައްޔިތުން ގެދޮރު ދޫކޮށް ދިއުމަށް ޔަހޫދީ ފައުޖުން ވަނީ އަމުރުކޮށްފައެވެ.