މަސް އެކްސްޕޯޓު ކުރުމުގައި ހުރި ދަތިތައް ހައްލުކުރަނީ

ރާއްޖެއިން މަސް އެކްޕޯޓު ކުރުމުގައި ކޮންމެވެސް ވަރެއްގެ ދަތިތަކެއް އެބަހުރި ކަމަށާއި، ނަމަވެސް މިކަން ހައްލުކުރަން މަސައްކަތް ކުރައްވަމުން އަންނަ ކަމަށް ފިޝަރީޒް މިނިސްޓްރީން ބުނެފި އެވެ

ރައީސުލް ޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި "އަސްލު ޓީވީ"ން ކުރި ސުވާލަކަށް ޖަވާބުދެއްވަމުން މަޝްވެރިކަމާއިބެހޭ ވަޒީރު އަހްމަދު ޝިޔާމް ވިދާޅުވީ މެދުއިރުމަތީގައި ފަށާފައިވާ ހަނގުރާމައިގެ ސަބަބުން ރާއްޖެއަށް ހުރި ދަތިތައް ފިލުވުމުގެ މަސައްކަތް ސަރުކާރުން ކުރައްވަމުން އަންނަ ކަމަށާއި، މަސްވެރިންނަން ބޭނުންވާ ތެޔޮ ލިބޭނެ ކަމުގެ ޔަގީންކަން އެބައޮތް ކަމަށް.

މިނިސްޓަރު ވިދާޅުވީ މެދުއިރުމަތީގެ ހަނގުރާމައިގެ ސަބަބުން ވަރަށް ގިނަ އެއާލައިންތަކެއް ހުއްޓިފައިވާތީވެ ރާއްޖެއިން އެކްސްޕޯޓުކުރާ މަސް އެކްސްޕޯޓު ކުރުމަށް ޖާގަ ނުލިބިގެން އެކމުގެ ކަންބޮޑުވުން ބައެއް ފަރާތްތަކުން ހިއްސާ ކުރެއްވި ކަމަށެވެ.

މަސްވެރިކަމުގެ ދަފްތަރުގައި ރަޖިސްޓްރީ ކުރެވިފައިވާ ފަރާތްތަކާއި ގުޅޭގޮތުން ވާހަކަ ދައްވަމުން މިނިސްޓަރު ވިދާޅުވީ ދަފްތަރުގައި ރަޖިސްޓްރީ ކުރަން ފުރުސަތު ހުޅުވާލާފައި ވަނީ މުޅި ރާއްޖޭގެ އެކި ކަންކޮޅުތަކުގައި މަސްވެރިކަން ކުރާ ފަރާތްތަކަށް ކަމަށެވެ.

އެގޮތުން ހަމައެކަނި ދޮށީގެ މަސްވެރިކަން ބޮޚު ކަންނެލީގެ މަސްވެރިކަމުގެ ހިސާބުން ފެށިގެން ފާނައިގެ މަސްވެރިކަމާއި، އިހީގެ މަސްވެރިކަމުގެ އިތު ހުއިފި ލިނޑާގެ މަސްވެރިަކްން

މިނިސްޓަރު ވަނީ މަސްވެރިކަމުގެ އިންޑަސްޓްރީގައި ހަރަކާތްތެރިވާ ހުރިހައި ފަރާތްތަކުންވެސް މަސްވެރިކަމުގެ ދަފްތަރުގައި ރަޖިސްޓްރީ ކުރުމަށް އެދިވަޑައިގެންފަ އެވެ.