ކުރީ ސަރުކާރުގަ ފައިސާ ޗާޕުނުކުރަން އެދި އާދޭސް ކުރިން : މިނިސްޓަރ ސައީދު

ކުރީގެ ސަރުކާރުގަ ފައިސާ ޗާޕު ނުކުރުމަށް އެދި އާދޭސް ކުރެއްވި ކަމަށާއި، އެހެން ނަމަވެސް އެ ކަމަށް އެއްވެސް ޖަވާބެއް ނުދެއްވައި ފައިސާ ޗާޕުކޮށް ގައުމު ދަރުވާލާފައިވާތީ އެފަދަ ބައެއްގެ އަޑު މިއަދު ރައްޔިތުން އައްސަވަން ނުޖެހޭނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ

ސައީދު މިފަދައިން ވިދާޅުވީ ރައީސުލް ޖުމްހޫރިއްޔާގެ އޮފީހުގައި އިއްޔެ ބޭއްވި ނޫސްވެރިންނާއި ބައްދަލުވުމުގައި ދެއްކެވި ވާހަކަފުޅުގަ އެވެ.

ސައީދު ވިދާޅުވީ ކުރީގހެ ސަރުކާރުން 8 ބިލިއަން ރުފިޔާ ޗާޕުކުރި ކަމަށާއި، ގާނޫނު ތަޅުއެޅުވި ކަމަށާއި، ޙަރަދަށް ޒިންމާވާނެ ތިން ގާނޫނެއް ސަސްޕެންޑު ކުރި ކަމަށާއި، އެ ތިން މާއްދާއަށް އަމަލުކުރުންވެސް ކުރީގެ ސަރުކާރުން ހުއްޓާލި ކަމަށެވެ.

ސައީދު ވިދާޅުވީ މި ފައިސާ ޗާޕުކުރުމާއި ގާނޫނަށް މި ގެނައި ބަދަލުގެ ކަންބޮޑުވުމުގެ ސަބަބުން އޭރުގެ އެމްއެމްއޭގެ ގަވަރނަރ އަލ؛ީ ހާޝިމް އަށް ދެ ސިޓީ ފޮނުވާފައިވާނެ ކަމަށާއި، ނަމަވެސް މިއިން އެއްވެސް ސިޓީއަކަށް ޖަވާބުވެސް ދެއްވާފައި ނުވާ ކަމަށެވެ.

ސައީދު ވިދާޅުވީ ކުރީގެ ސަރުކާރު ޖަވާބުދާރީ ކުރުވަން އޭރު އޮތް އެންމެ ބޮޑު ޕާޓީ ޕްރޮގްރެސިވް ކޮންގްރެސް ކޯލިޝަންގެ ނައިބްރައީސްގެ ހައިސިއްޔަތުން އަލީ ހާޝިމާއި ބައްދަލުކުރައްވަންވެސް ދެ ފަހަރެއްގެ މަތިން ދިޔަ ކަމަށާއި، ނަމަވެސް ބައްދަލެއްވެސް ނުކުރެއްވި ކަމަށެވެ.

ސައީދު ވިދާޅުވީ ކުރީގެ ސަރުކާރުން ހުރިހއި ފައިސާއެއް ޗާޕުކޮށްފައި ވަނީ އިންތިޙާބަށް ހަރަދުކުރަން ކަމަށެވެ. އެކަން އެގޮތަށް ނުކުރުމަށް އޭރުގެ އެމަނިުކުފާނުގެ އަމިއްލަ ހައްސިއްޔަތުންނާއި، ރައްޔިތުންގެ ފަރާތްޕުޅުންވެސް މަސައްކަތް ކުރެއްވި ކަމަށާއި، މި ސަރުކާރުން އެފަދަ ކަމެއް ކުރައްވަން ޖެހިވަޑައިނުގަންނަވާނެ ކަމަށެވެ.