އެމެރިކާގެ ސްޓޭޓް ސެކެޓްރީ އެންޓޮނީ ބްލިންކެން އާއި ޗައިނާގެ އައު ފޮރިން މިނިސްޓަރ ކިން ޖެންގފޯނުން ހުޅުއްވައި ދެ ޤައުމުގެ ދާޚިލީ ގުޅުންތަކާއި ބެހޭގޮތުން މަޝްވަރާ ކުރައްވައިފި

އެމެރިކާއާއި ޗައިނާއާއި ދެމެދުގެ ޚާރިޖީ ގުޅުންތައް އިތުރަށް ހަރުދަނާކޮށް ވަރުގަދަ ކުރުމާއި ބެހޭގޮތުން ދެ ޤައުމުގެ ދެމެދުގައި މަޝްވަރާކޮށްފިއެވެ.

މިގޮތުން އެމެރިކާގެ ސްޓޭޓް ސެކެޓްރީ އެންޓޮނީ ބްލިންކެން ވިދާޅުވި ގޮތުގައި ނިމި ދިޔަ ހަފުތާގައި ޗައިނާގެ ޚާރިޖީ ވަޒީރުކަމަށް ކަނޑައަޅުއްވާފައިވާ މީގެ ކުރިން ޗައިނާއިން އެމެރިކާއަށް ކަނޑައަޅުއްވާފައި ހުންނަވާ ސަފީރު، ކިން ޖެންގ އާއި ދެބޭފުޅުންވަނީ ދެ ޤައުމުގެ ދެމެދުގެ ގުޅުންތައް އިތުރަށް ވަރުގަދަކޮށް ހަރުދަނާ ކުރުމާއި ބެހޭގޮތުން ފޯނުން ވާހަކަފުޅު ދައްކަވާފައެވެ.

މިގޮތުން ދެ ޤައުމުގެ ގުޅުންތައް މިހާރެކޭ އެއްގޮތަށް ބަދަހިކޮށް ދެ ޤައުމަށް ވެސް ބޭނުންވާ އެހީތެރިކަމުގެ ދޮރާށި ހުޅުވިފައި އަބަދުވެސް ބެހެއްޓުމާއި ބެހޭގޮތުން ދެ ބޭފުޅުން ފޯނުން ވާހަކަ ދައްކަވައިފައިވާނެ ކަމުގައި ބްލިންކެން ގެ ޓްވީޓުގައި ވެއެވެ.

މިކަން ޗައިނާގެ ފޮރިން މިނިސްޓްރީންވެސް ވަނީ ކަށަވަރު ކޮށްދެއްވާފައެވެ.

އެގޮތުން އެ ޤައުމުގެ ފޮރިން މިނިސްޓްރީން ވަނީ، ޗައިނާއިން އިންޑިޔާގެ ސަފީރުކަމުގެ މަޤާމުން ފޮރިން މިނިސްޓަރ ގެ މަޤާމަށް އަލަށް އައްޔަން ކުރެއްވި ކިން ޖެންގއަށް އެމެރިކާގެ ސްޓޭޓް ސެކެޓްރީ އެންޓޮނީ ބްލިންކެން ފޯނުން ގުޅުއްވައި، އައު މަޤާމުގެ ތަހުނިޔާ ފޮނުއްވައި، ދެ ޤައުމުގެ ދާޚިލީ ގުޅުންތަކާއި ބެހޭގޮތުން މަޝްވަރާ ކުރެއްވިކަން ހާމަކުރައްވައި ޕޯސްޓެއް ކުރައްވާފައެވެ.

ޗައިނާގެ ރައީސް, ޒި ޖިންގޕިންގް މިދިޔަ ހުކުރު ދުވަހު ވަނީ ކިން ޖެންގ، އެ ޤައުމުން އެމެރިކާއަށް ކަނޑައަޅުއްވާފައި ސަފީރުކަމުގެ މަޤާމުން ފޮރިން މިނިސްޓަރ ގެ މަޤާމަށް ބަދަލު ކުރައްވާފައެވެ.