ޗައިނާ އާއި ދިވެހިރާއްޖޭގެ ސިޔާސީ ގުޅުމަށް 50 އަހަރުފުރުން ފާހަގަ ކުރުމުގެ ގޮތުން ޚާއްސަ ދުވުމެއް މިއަދު ހެނދުނު ސިނަމާލެ ބްރިޖުގައި ކުރިއަށް ގެންގޮއްސި

ރާއްޖެއާއި ޗައިނާގެ ސިޔާސީ ގުޅުމަށް 50 އަހަރުފުރުން ފާހަގަ ކުރުމުގެ ގޮތުން ޚާއްސަ ދުވުމެއް ބާއްވައިފިއެވެ.

ސިނަމާލެ ބްރިޖުގައި މިއަދު ހެނދުނު ކުރިއަށް ގެންދިޔަ މި ޙަރަކާތުގައި ދިވެހިރާއްޖޭގައި ހުންނަވާ ޗައިނާގެ ސަފީރުގެ އިތުރުން ދައުލަތުގެ އިސް ފަރާތްތަކާއި ސިޓީ ކައުންސިލް މެމްބަރުން ހިމެނޭ ހެން 300 ބައިވެރިން ވަނީ ބައިވެރިވެފައެވެ.

މިއަދު ކުރިއަށް ގެންދެވުނު ދުވުމުގެ ހަރަކާތުގެ ތެރެއިިން

އަދި މީގެ އިތުރުން ރާއްޖޭގައި ދިރިއުޅޭ ޗައިނާގެ ބައެއް ފަރާތްތަކުންވެސް މި ޙަރަކާތުގައި ބައިވެރިވެފައިވެއެވެ.

ދުވުމުގެ ހަރަކާތަށްފަހު ޗައިނާ ސަފީރު ވަންގް ލިޝިން ވިދާޅުވެފައިވަނީ ރާއްޖެ އާއި ޗައިނާގެ ގުޅުމަށް 50 އަހަރު ފުރުމާ ގުޅިގެން އިތުރު ގިނަ ހަރަކާތްތަކެއް ރާވާފައިވާކަމުގައެވެ.

ޗައިނާ ފާހަގަކުރެވެނީ އަބަދުވެސް ރާއްޖެއާއި ގާތް ގުޅުމެއް ބާއްވަމުން އަންނަ ، އެކި ކަންކަމުގައި ދިވެހިރާއްޖެއަށް ގިނަ ގުނަ އެހީތައް ވަމުން އަންނަ ޤައުމެއް ގޮތުގައެވެ.

މިގޮތުން މިއަދުގެ ދުވުމުގެ ހަރަކާތް ބޭއްވުނު ސިނަމާލެ ބްރިޖަކީވެސް ޗައިނާގެ އެހީގައި، މިހާތަނަށް ރާއްޖޭގައި ހިންގުނު އެންމެ ބިޔަ އިޤްތިޞާދީ މަޝްރޫޢުކަން ފާހަގަކޮށްލެވެއެވެ.