ހަަށިވިއްކަނިކޮށް ހައްޔަރު ކުރި ދެ އަންހެނުން ޑީޕޯޓްކޮށްލަނީ

ހަށިވިއްކި މައްސަލައިގައި ހައްޔަރު ކުރި ދެ އަންހެނުން ޑީޕޯޓްކޮށްލަން ނިންމައިފިއެވެ.

މި މައްސަލައިގައި ހައްޔަރުކޮށްފައިވަނީ އުމުރުން 43 އަހަރުގެ ދިވެހި ފިރިހެނަކާއި 43 އަހަރުގެ ބިދޭސީގެ ފިރިހެނަކާއި 31 އަހަރުގެ ބިދޭސީ އަންހެނެއްގެ އިތުރުން 36 އަހަރުގެ ބިދޭސީ އަންހެނެއް ކަމަށް ފުލުހުން ވަނީ ހާމަކޮށްފައެވެ.

ހަށިވިއްކާ ކަމުގެ މައުލޫމާތު ލިބިގެން ފުލުހުން ހިންގި އޮޕަރޭޝަނެއްގައި ހައްޔަރުކުރި 4 މީހުންގެ ތެރޭގައި ހިމެނޭ ދިވެހި ފިރިހެން މީހާ ވަނީ ދޫކޮށްލާފައެވެ.

ހަށިވިއްކަމުން ދަނިކޮށް ގެސްޓްހައުސް އަކުން ބަޔަކު ހައްޔަރު މިކުރީ މާލޭގައި މަސާޖް ކުރާ ތަންތަނުގެ ނަމުގައި ހިންގާ ސްޕާތަކުގައި ވެސް ހަށިވިއްކުން އިންތިހާއަށް އާއްމުވެފައިވާ ކަމުގެ ކަންބޮޑުވުން އާއްމުން ފާޅުކުރަމުން އަންނަނިކޮށެވެ.

ފުލުހުން ވިދާޅުވީ، އެ މައްސަލައިގައި ހިމެނޭ ބިދޭސީން ޑިޕޯޓްކޮށްލަން ފުލުހުން އިމިގްރޭޝަންސްއާ ހަވާލުކޮށްފައިވާ ކަމަށެވެ.