logo

އާންމު ރޯގާ ފެތުރޭ މިންވަރު އިތުރުވެއްޖެ، ސަމާލުވޭ!

profile

އައިޝަތު އިނާޝާ - 29 ނޮވެމްބަރު 2025 - 11:53

ރާއްޖޭގައި މިދުވަސްވަރު އަރިދަފުސް ރޯގާ އާއި ނޭވާލާ ނިޒާމަށް ޖެހޭ ބަލިތައް އިތުރުވަމުންދާތީ، އާންމުން ރައްކާތެރިވުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އިލްތިމާސްކޮށްފިއެވެ.

https://wamco.com.mv/

އެޗްޕީއޭ އިން ބުނީ މިދުވަސްވަރު އަރިދަފުސް ރޯގާ އާއި ނޭވާލާ ނިޒާމަށް ޖެހޭ ބަލިތައް ޖެހިގެން ރިޕޯޓްކުރާ އަދަދު އިތުރުވެފައިވާ ކަމަށެވެ. އެހެން ކަމުން މިފަދަ ރޯގާތަކުން ރައްކާތެރިވުމުގެ ފިޔަވަޅުތައް އަޅަމުން ގެންދިއުމަށް ސަމާލުކަން ދިނުމަށް އެޗްޕީއޭއިން އެދެއެވެ.

މި ބަލިތަކުން ރައްކާތެރިވުމަށްޓަކައި އަޅަންޖެހޭ ފިޔަވަޅުތައް:

  1. ގިނަގިނައިން މީހުން އެއްވެ އުޅޭ ތަންތަނަށް ކުޑަކުދިންނާއި، ނޭވާލާ ނިޒާމުގެ ބަލިތައް ހުންނަ މީހުންނާއި ދުވަސްވީ މީހުންނުދިއުން
  2. ބަލިމީހުންނަށް ޒިޔާރަތްކުރާނަމަ ކުޑަކުދިން އެފަދަ ތަންތަނަށް ނުގެންދިއުން
  3. އަރިދަފުސް ރޯގާ ހުރިނަމަ، ނުވަތަ ކެއްސާ ކިނބިހި އަޅާއިރު، ބަލި ފެތުރުން ހުއްޓުވުމަށްޓަކައި ނޭފަތާއި އަނގަ ރަނގަޅަށް ނިވާވާނެހެން މާސްކް އެޅުން
  4. އަތް ދޮންނަން ޖެހޭ ހާލަތްތަކުގައި ސައިބޯނި ލައިގެން ރަނގަޅަށް އަތް ދޮވުން، ނުވަތަ ސެނިޓައިޒަރ ބޭނުންކޮށްގެން އަތް ސާފު ކުރުން

އަރިދަފުސް ރޯގާ ޖެހިގެން ރިޕޯޓް ކުރާ އަދަދު މިދިޔަ އަހަރުގެ މި މުއްދަތާއި އަޅާބަލާއިރު އިތުރުވެފައިވާ ކަން ހެލްތު ޕްރޮޓެކްޝަން އެޖެންސީ (އެޗްޕީއޭގެ) ގެ ތަފާސް ހިސާބުތަކުން ދައްކައެވެ.

https://wamco.com.mv/
https://eportal.mwsc.com.mv/e-pay